沒有事情做不到,只有做不好

不得不承認有許多人做事時,得過且過. 那些堅持由始至終賣力地做好一件事的人,確實不多. 如果要成功,真的要放上很多心機及時間. 事情沒有做不到,只有做不好. 那麼為什麼那些人可以貫徹始終做好一件事呢? 原因可能是他們比別人專注及有毅力. 其實,每個人都有這般能力,你看我們坐在電視,電腦及遊戲機前,可以花上一晚的時間. 誰及我們夠專注? 對追劇集那種毅力你比得上嗎? 縱然不是所有人都認同你所專注的. 但畢竟,有誰真的會牢記當中那些對白呢? 我們可不是連看電視也得過且過嗎?

我這小人物, 很想做好每一件小事, 因為積少成多, 遲早我會在某些事上遇上成功. 縱然稱不上成功, 至少不會得過且過罷. 澄澄豬, 媽媽不會叫你成就這樣, 成就那樣. 因為作為你的父母, 我倆也沒有什麼成就可言, 怎能要求你呢? 但我們希望你是一個貫徹始終做好每一件小事的人, 到最後成為你的習慣,那麼我們便放心了. 記住,世界上沒有事情是做不到,只有做不好. 如果你想放棄, 看看你的爸爸及爺爺, 他們會是你學習的對象. 如果你想成功,就必需貫徹始終做好每一件小事. 因為要知道沒有事情做不到,只有做不好!!


這是澄澄豬幫姨丈姨姨影的第一張相

這是第二張

澄澄幫人影相的樣子, 好認真喔!

扮獅子

我們一家人好喜歡星期天出外吃飯. 今晚我們便約了姨姨及姨丈食餐好的. 由於,澄澄豬的病,還未完全好返. 所以當她見到姨姨及姨丈面時,也處於害羞及緊張的精神狀態. 及後,姨丈要往玩具"扭計"城買他的近期精選, 在玩具"扭計"城裡,經過一輪熱身後,澄澄豬才肯讓姨姨抱. 之後, 她更和姨丈玩獅子大叫..「嘩!」看來,澄澄豬愛上這個姨丈,不再怕他了.

澄澄豬,
觀乎眾人中,唯獨這個姨丈是最易蝦的. 如果你連這個姨丈要驚驚,恐怕世界上所有人也可怕喔. 等你大一點, 必會發現這個姨丈是最好玩的老人家..嘻嘻..

羽毛球拍

話說我們一班人最近都愛上打羽毛球. 昨晚黃昏時,有幾位波友相約買球拍. 在過程中, 可以体現人性的貪婪. 誠實的老板 (其實我一直都唔相信世界上有老板是誠實的) 向我們介紹各類的球拍, 幾經辛苦,他終於做成我們的生意. 但我們怎可放過拿贈品的機會. 「買咁多送筒波啦!!」「哎呀,d拍無$賺,已經包埋個习毛球袋,好靚嫁!」「我地真係買咁多喎!!」「送多對襪俾你地啦」「我地唔著襪,要筒波! (唔著襪??咁型!)」「唉,真係唔得啦,最多送..」「如果你地俾cash,4對襪換1筒波啦!」攪了一大餐, 最後他們買了4枝拍,只係攞走了4個羽毛球袋, 2筒波同笑餐飽. 臨走仲約堆個老板去打波......wakaka

同你地買野好鬼開心..

未能每日update

sorry呀..當我放假時,就是我最忙的時侯.莫說打blog,就連去洗手間的時間也被澄澄豬霸佔了. 所以,各位我只是你們上班時的戰友.放工後,放假時,我會在另一戰場力戰. 當你見不到我,不用掛住我,我會依時依侯完成upload任務.


你知唔知我用了一個鐘頭與澄澄互相追逐,換來她一刻的安靜及去廁所的時間...

悶悶的星期日

有病在身的澄澄豬, 不能上教會參加復活節崇拜. 可憐的媽媽也要陪伴在側,未能復活了.. 但今天我們有任務在身, 一定一定要往婆婆那裡照顧今天只得一人在家的太婆. 在婆婆家,悶得發慌的我拉著澄澄豬拍照打發時間,難得地她心情大好, 擺出多個姿勢,可惜的是我的傻瓜機真的好傻,或是我拍攝太差,只能拍下這些.







呢個角度ok嘛..

how about this one??



流露出surprise的樣子,只怪暴光太多..

媽媽,我撐唔住啦!!你影得咁差.

no eyes to see...


澄澄豬,
媽媽對不起你,難為你扮cool..不如, 你叫爸爸買部新機俾我幫你影呀...heehee

受難節

這年的受難節,澄澄豬病了. 但好動活潑的她,縱然有咳,也依然娛樂大家. 你們的掌聲,就是澄澄玩得投入的動力.


靚姐姐s..

澄澄大叫指著洗手間的duck..主人家唯有拿出她的家當給澄澄玩..

主人家s

玩完未??

姑婆s攪乜鬼.

多謝包哥哥及車厘子姐姐的豐富禮物!!
多謝姨婆的圖書及復活minnie..!!

你的番鬼佬名

澄澄豬,

有了你的中文名後, 我們四出搜尋那些跟你中文名有關係的英文名.其實,英文名來來去去都是那些.比起中文有數千萬的字已經容易好多. 不是乜乜y尾,例如:Candy, Fanny, Wendy, Carolby, Ruby, Cheery, Sandy, Shirley, Cindy. 就是a尾, Ada, Rebecca, Erica, Sabrina, Vienna, Ella, Vera, Shara, Corina. 仲有e尾, Connie, Bonnie, Zoe, Katie, Catherine, Michelle, Winnie. 說真的改一個特別的英文名, 吓..又特別?? 都幾難.

你爸說他對英文名興趣不大,可以由我作主,但不要改三個音的英文名. 噢!你爸對音調是異常敏感的! 於是, 我問我的老板&同事有無idea改咩名好..佢地首先問我要咩字頭. 我說喜歡"A", 他們說Amber都okay, 你叫Ruby,咁你個女叫Amber就fit晒啦. 好似都幾好喎. e, 但係就同澄澄的中文名沒有關係. 於是,他們問我個女個名有什麼意思..um..應該是解Pure. 佢地話不如改Pure囉.. 吓..Pure..之後,就再沒有討論.

我生完澄澄後, 收到了麥博士的SMS,佢話Catherine是解作Pure, 而Catherine洐生出來的英文名都可以用, 如 Cathy, Katie, Katherine, etc..他建議Caitlin. 由於呢位博士是在美國讀番書的,他說是讀 cat連..但我問了英國鬼佬老板,佢話應該係k連..

到澄澄攞出世紙,究竟加唔加Caitlin個名好呢..亞連亞連.. 好似.麻麻地..於是只好等澄澄12歲時再加吧..

現在, 我們發現澄澄都幾襯呢個名...Caitlin..




Caitlin, also spelled in numerous other ways, including Caitlyn, Caytelyn, Kaitlin, Kaitlyn, Kate Lynn, Katelynn,Caitlynn, Katelin, Katlin, and Katelyn.[1] ,is a given name for a female. The name has an Irish origin and means "pure".[2] Caitlin was originally an Irish Gaelic form of Catherine. The original pronunciation in Gaelic was similar to Kathleen and sometimes more like /koyt-hleen/[1] or /Cotch-LEEN/[3] but in the later 20th century the pronunciation of "Kate-lynn" become commonly used in English speaking countries, and led to the numerous respellings. According to a name etymology website Katherine (from which Caitlin ultimately derives from)[4] could also be derived from Hecate, a Greek goddess. [5]
Source : http://en.wikipedia.org/wiki/Caitlin

你的名字

澄澄豬,

你知你的名字是怎樣得來呢?

當我懷著你的時候, 你爸爸說要改單字的名.但我不大喜歡.明明許多土生土長的香港人都是用2個字的名.我嘗試反對.但你爸說, 我就是想我們的孩子有點不同.我心想,難道跟那億億萬萬的同胞一樣好??不同的定義是怎樣呢?噢!算吧,反正人生要寫自己的名字多於十萬九千次,此刻的讓步能換上澄澄人生寫少好多筆.算是媽咪給你的第一份禮物罷.

隨後,我們想了好多好多單字...有男的,女的..後來知道將要出來的是個女.我們就順著這個方向想.事實不只我們為你的名傷腦筋, 連爺爺,叔公及婆婆也提供不同的意見.

最後方案, 有躍,路,靖,澄,蓉..etc..那幾個字的意思各有不同.要選上一個合適你的,不如說我們想這個字可以代表你的什麼方面.當然,最後我們為你選了"澄"這個字.老實說,這個字是我們在電視裡頭遇上的,這是劇中的一個角色的名字.劇名已經忘記了.但那一角色是個醫生...不要以為我們想你做醫生..而是那個"澄"很少人用.至少,在我們的朋友堆中沒有. 可惜, 在你的年代,發音"澄"的原來有好多.單單在教會和你差不多年齡的都有3個.我們能預計將來你讀書時,遇上"澄/晴"的機會會更多...

不如說一說你名字的解釋,澄解作水靜止而清澈, 有使沉澱、清澈的意思。南朝齊˙謝脁˙晚登三山還望京邑詩：「餘霞散成綺，澄江靜如練。」唐˙陳子昂˙薛大夫山亭宴序：「披翠微而列坐，左對青山；俯磐石而開襟，右臨澄水。」我們想倘若女孩子擁有著清澈,純樸的氣質,比起只重外表更好.請容許作父母的我倆對你有這不切實際的幻想, 因為自從你出世以後, 這幻想已逐漸減少...哈哈.就正如你爸從來不是什麼豪傑,而你媽也不見怎樣亭亭玉立.所以,名字都是叫叫算吧.不要太認真.

除此之外,我們想跟你說,這個澄加上你的姓是有特別意思. 這個意思是單單只有名,都是清澈.但拼上你的姓後意思是黃金的顏色. 我們希望你的人生像黃金色般燦爛奪目.但都像之前說"名字都是叫叫算吧.不要太認真".做到與做不到,你都是我們家的心肝寶貝.

明天再談談你的英文名.

運動日

今晚我們一家人在球場上大顯身手.


別小看麻麻打习毛波的功力喔!

叔叔都累了吧..


球場上,可以好歡樂..


小朋友仲有他們自得其樂的方法


表哥對住球場上的姑丈說.."死啦喎!"..後來我發現他想說.."four balls only"..


爸爸最開心的不是可以打波,而係可以跟佢個澄澄豬玩返晚.


一直我都好想每張相都影靓d, 你地睇得高興d.. 希望呢張你們滿意啦.. 我自己就好鐘意呢張相...呢張相的標題應該是"媽媽與未識行的寶寶".. 可惜,整個標題無隻字啱..

大個了

澄澄豬,

媽咪看返你5個月前的相片,你在不經不覺中長大了... 很懷念你的小丸子頭同你大叫的聲音.. 好在科技發達,我仲可以得閒重溫昔日片短.

百厭實況

禮拜六晚, 我同澄澄豬係婆婆到瞓, 原因係宜家正值係流感高峰期,所以這個星期日會留澄澄豬係婆婆到. 我地完了祟拜, 就接返澄澄豬. 星期日,澄澄豬一早10點未夠就起身. 俾了幾磈餅乾及暖水作為佢今日的早餐. 佢就開始活潑起來.一時走入舅父房,一時係廳到周圍走.開心到不得了. 佢入到舅父房係到攪攪震,又爬黎爬去.佢發現坐係舅父既hifi上面觀賞窗外的景色,別有風味. 係呢個時候我梗係好惡咁叫住佢啦.

呀..個衰妹竟然怒目相向喎..


好似話我騷擾佢咁.. 仲越坐越入..唔望我tim



你有張良計, 我有過牆梯..我即刻攞出舅父的"人氣"飾物 "枯no骨"

但當我攞出"枯no骨", 你竟然係到笑. 我以為今次你已經唔再驚驚"枯no骨"


點知你笑完之後, 擺出一副"唔好埋黎"個樣..我知呢次我嬴啦..

每個孩子都一樣

澄澄豬,

我知道你是活潑好動的孩子, 但如果著裙的話, 可不可以不爬sofa呢??

學做家務

上兩個星期, 麻麻說,她在廳打掃後,將掃把及垃圾產放回原處.不料, k連拿拿淋走入廚房攞起掃把及垃圾產打掃起來. 澄澄呀, 俾心機學好做家務, 唔駛好似媽咪咁乜都唔識. 第時,屋企既家務靠晒你啦!! :)



同場加映..澄澄的最新春裝.



你著起呢個配襯,媽咪諗起以下造型, "亞拉伯王子"..keekee

我欠你的，定必雙倍奉還!!

我知我文筆其差, 所以不如upload多d相同video罷了...如果你想留言,只要係comment個到,篤一篤,咁會出現個box,你可以打d野上去,跟手send就可以啦.很期待你們的留言喔. 澄澄是我生活的動力,你們是我寫blog的動力,我是你們揄懶的原動力.嘻x@@

是日upload了"開心dancing" & "同嬸嬸玩耍" 既video.

P.S. 多得林貓msn問係咪有gmail先可以留言..我先發現原來大家唔留言係因為無gmail,唔係我人緣唔好..wakaka..我已經改了instruction, 你地可以留言even無email.記住留名,等我知大家係mup水.thanks..

開心dancing

每次k連同ee dancing 都好鬼開心.

繼續update

藍E媽,因為你一句"連續劇", 我寫blog的動力即刻返番黎,我會日日帶住個相機,update俾你睇. 我已經update之前個d日期.但video就麻煩d,希望快d show 到俾大家睇啦.

最近, 我個圈又興打习毛波. 對我呢d三無人事(無技術,無身高,無力)既球手,能夠keep住有波打, 可見我地呢班波友的球技真係叻極有限.但個份至在參與的態度,值得鼓掌. 昨晚,因為大部份波友都要返course,所以我老公叫了k連二姑丈一齊打波,拿!大家唔好意為我老公立亂叫!!因為二姑丈的球技可謂技驚四坐,我呢d little "tomato" (註:【美】【俚】(漂亮的)女人)[C]例句:There's a luscious young tomato working in our office. 我們辦公室有個性感又漂亮的女孩。)緊係擔定登仔,霸定頭位睇波啦. 你一球,佢一球之下,竿高立見.世豪爸爸,不如我們約埋跑步練氣! 下一次,輸小當贏,okay?


你睇下二姑丈完全唔累..勁呀!

k連衝過來搶相機

k連幫我影相

你地兩個訓係到做mup?

哦..跑步呀..

"頭"訴

昨日收到一個電話"頭"訴.電話內容係咁既:
fans藍 : 喂,我想"頭"訴..點解你個blog咁耐都唔update.有話有相,有video..點知通通都無..
我答 : e..我update咗d相...至於video,因為需時太耐,所以在進行中..
fans藍 : 我日日check都唔見有.
我答 : (下日日check,咁俾面) (所以即係笑住答)其實呢,你可以係blog到留言俾我,話俾我知麻
fans藍 : 下...我唔知blog到有得留言
我答 : (下,有人唔知有留言板..)你再去睇下啦, 有嫁..

係既..呢個電話係由k連(亞女個英文名)既忠實fans打出. 佢儲齊k連由初初出道既相片, 同堆成日買禮物俾k連.呢位忠實fans的"頭"訴確實令我呢個經理人有點唔好意思. 我唔知原來update呢個blog係咁重要,簡直係k連同佢海內海外的fans聯絡既地方.為了k連的fans, 我會好好努力寫好呢個blog, 寫出k連的"天真同好傻"既一面帶俾各位fans.

在此呼籲fans, 如果可以的話, 留下言, 等我知到有無人睇呢個blog, 寫了咁耐都係得兩個fans留言.我以為無人睇, 所以遲遲未update. 仲有, 我會之後update返2月份同3月份的日記. 你們遲小小look返前面睇.

多晒!!

K連的交友篇

初頭自己玩, 好悶!!

有姐姐陪, 開心晒!!

真係開心嫁

開心星期六

今日婆婆下午放假, 我們一齊去公園,品茗,行街去也.


婆婆與K連

我們三個走埋一齊好似三姊妹..呢D叫做不老的傳說

大家唔好賴低公公,你睇亞公幾遊

如果唔奀皮, 都幾乖既.

亞爸話自己影得好OKAY

亞爸..你隻眼