幼兒潛能訓練課程

在上個星期日,我跟澄澄上了第一堂的"幼潛". 這個課程是很受幼兒父母歡迎的. 記得在報名當天, 我跟另一位媽咪要在早上6:15去到它們尖沙咀的總部排隊報名. 我敢說我這一生沒有為任何事願意晨早花上3小時去排隊. 但為了這個小寶貝,免為其難的做了第一次天芒光去排隊的傻事. 我仍然記得那天排完隊要回娘家再睡多兩小時. 說回那個受歡迎的"幼潛", 第一次去的感覺是"亂". 可能以前澄澄上的playgroup是很有structure. 當時她只是一個7個月大的寶寶, 所以一切的事對她來說都是如此新鮮,反應自然佳. 但她今天已是15個月大的孩子, 她有喜好,她懂走, 她可隨意地聽或不聽指令. 所以, 第一堂的表現不好. 在不熟悉的環境中, 很難集中精神從玩樂中學習. 只望下一次比這次更進步.

起初, 是自由玩玩具的時間:





玩完玩具, 當然要執拾. 這點對澄澄來說是理所當然的.


點名時, 發現澄澄還未熟悉別人稱她全名. 以後, 多點稱呼她全名才是.

老師問, 誰要搖鈴要舉手. 這時, 又發現我們很少要求澄澄以舉手來回應我們.



傳波遊戲: 要求小朋友要接波,然後交俾下一位小朋友. 你見我笑容越來越多, 就知澄澄玩這個遊戲好okay.





坐定定, 食茶點. 這次老師再一次要求如果小朋友要再食多一塊餅, 要舉手. 你估澄澄會舉手嘛?






你看,只要一塊餅, 澄澄就乖乖學會了舉手了!

最後, 玩搖小船. 澄澄玩得好開心. 由此知道, 澄澄的平衡力不錯.

好大雨

今日下了一場大雨, 估計這個weekend都是下雨吧! 還好, 在上個星期六跟一班至愛去了大尾x食lunch同去了iedu逛逛, 好relax的週末. 在lunch期間, 澄澄好乖好叻自己食, 我們大人傾計, 她也靜靜的坐在自己位置上. 如果澄澄可以維持這種manner, 媽媽就可以帶你出去見下媽媽的"老死"(=好朋友)

足本video

ee,

見係你, 就再upload一個佢唱歌的核突version俾你睇. 佢隻眼真係好核突, 同埋佢懶勁咁起身攞野, 點知張琴橩向後, 嚇死我啦..

攪笑

我時常將澄澄的攪笑一面放於blog內. 以致所有人, 包括她爹d都覺得亞女是一個好攪笑的bb, 每日見到我就會問"亞女今日有咩攪笑野?" 其實, 澄澄跟大家一樣, 心情日日不同. 如果那天跟麻麻出街玩, 或是大姑媽中午來探訪, 她會比較開心. 如果那天睡得不好, 心情也比較差. 如果剛剛睡醒, 表演呆呆滯滯, 心情比較平和. 至於, 她何時最攪笑呢? 就是去完便便之後! 因為她開心, 所以會做出一些古靈精怪的表情, 動作引人發笑.

shumshum同澄澄玩得開心..但係叔叔就..

呢個就係佢係公園個開心樣

澄澄成日跌...但好快自己爬起身..再玩過

澄澄的跑姿

好似大人行路.

餵食樣

睇麻麻爺爺表演的開心樣

起身的呆滯樣

剛剛起身, 唔俾人影相的古惑樣

自己笑自己

如果你用相機影澄澄, 她通常會不擺任何post並且走過攞你部相機. 然後, 左按按右按按..八掛你影她什麼. 跟住, 就自己攞起相機影人地. 今次, 我影佢個古怪樣. 當佢攞部相機, 睇返之前我幫她影的video, 佢自己一路睇一路笑. 這是第一次她自己笑自己. 傻妹, 開始有很多responses. 我覺得我好似多咗個妹/朋友, 有她在身邊, 玩她, 耍她, 真係樂透!! 再問她.. 唱多一次得唔得, 她好爽答得! 但當然都和以前一樣, 答完唔理我啦!!

得!

澄澄係呢段講緊bb話的階段, 有一個字, 佢講得特別大聲同埋特別有信心. 就係"得"字. 佢雖然識講, 但係就唔係好明"得"的意思.

問佢 : 食完飯之後,先可以落地玩, 得唔得? 佢好自信答: 得! 但佢都係食到一半就要落地玩. :(
又例如, 問佢, 錫啖媽咪得唔得. 佢好爽咁答: 得! 之後, 唔係錫媽咪, 反而隊磈臉過黎, 要我錫佢..耍我!

所以, 我琴日尊登咁樣問佢:-

澄澄, 你做全世界最乖的bb, 得唔得? 佢好開心答: 得! 我再話, 全世界你淨係錫媽咪一個, 得唔得? 比之前仲要大聲答: 得! 跟住問佢, 你錫媽咪多過錫爹d, 得唔得? 佢今次慢咗半, 然後笑住答: 得!

哈哈.. 明知個女唔係好識「得」的意思, 但偏偏要問佢,又要佢答. 仲要每次都攪到我好開心. 好似個女真係應承自己淨係錫媽咪一個..哈哈.. 等我下次問佢, 大個之後, 俾晒d人工我, 得唔得? hee hee..