白雪公主放暑假

從來白雪公主不是我的那杯茶. 黃皮膚的很難營造那股白裡透紅的美感. 可幸澄澄沒有遺傳那黃澄澄的膚色. 原來一身白晢肌膚, 可穿的顏色可多呢. 每次襯衫出街, 都是可以賞心悅目. 所以很多人說澄澄不是一名靚女, 但她挺可愛的. 可能是與她的膚色有關.

這個炎夏, 愛跳愛玩的澄澄跟愛錫她的爺爺麻麻暢遊不同泳池. 她白晢肌膚晒黑了一點, 老實說, 那一點真的不算什麼. 玩完一輪後, 爺爺麻麻總會帶她吃吃下午茶, 再回家小睡. 只是聽都知道這個是開心放暑假啦..一下子, 澄澄可變成......












啡啡肥肥










..winnie the pooh..

勇闖愉景灣

十年了.. 足足十年.. 再來愉景灣已經是一女之母. 今天, 我們由港鐵欣澳站轉shuffle bus到達. 數數今次的參與者. 首先, 有號召今天入愉景灣的愷晴一家, 其次是喜歡户外活動的mathew & esther 一家, 最後有我們兩母女. 點解只得我們兩母女可以勇闖愉景灣? 因為有叔叔及嬸嬸的友情協助, 管接管送, 使我們兩母女不用太辛苦完成行程. 此外, 兩個家庭對我們的照顧, 使旅程更加愉快. 真係多謝晒!! 同唔該晒!! 下一次, 記住預埋我地喔!!

一去到, 換衫玩沙...




澄澄驚唔驚沙?? 有少少呀.. 唔係好行行..只係係到坐



個個小朋友都望antony叔叔捉返黎d魚, 但澄澄只係坐係到..


之後, 就係玩泡泡的時間..








媽咪&澄澄的合照

當媽咪洗身的時侯, 澄澄乖乖地坐係到等媽咪

亞榮你呢張影得好靚呀.


澄澄同mathew哥哥的合照

澄澄同愷晴姊姊的合照.. 原來最後唔記得同esther姊姊合照喔!!

送來的禮物

澄澄:

曾經何時, 媽媽很喜歡收人家送來的禮物. 由拆包裝紙到見到禮物真身, 心裡有莫明的興奮. 那年18時, 收到一個saving box, 是我最愛的pc狗. 雖然不是什麼貴價貨, 但很開心朋友的心思. 那年, 還收到3位老死的dolphin鏈咀, 是金的. 我還記得當時問她們, 是不是真金呀, 老友!!..哈哈..

每一次收禮物, 都是十分開心. 後來, 人大了, 有了經濟能力, 反而少了收禮物的喜悅. 可能我估到別人會送什麼, 或是我坦白告知要什麼的後遺症吧. 現在, 由頭到腳都是自己買的了, 很少說這是誰誰送的.. 反觀你呀....由頭到腳都是別人送的. 你真幸福. 帽子是爹d公司的同事送的, 衫褲是姑媽, 婆婆, ee, shumshum, 表e買的. 襪是麻麻, 姑婆給的. 鞋是表e媽買的. 澄澄你真的很幸福喔. 有幾多小孩, 連得到父母的愛都覺遙不可及時, 你要額外珍惜面前所擁有的. 知道嘛?

澄澄, 媽咪知道你開始喜歡別人送禮物給你. 但請你記住, 不可以隨意要別人買這買那. 這是很不要得的行為呀. 別人送禮時, 要說什麼呀? 是啦, thank you. 無論禮物是什麼, 都要懷著感謝, 因為別人是沒有必要送禮給你喔.

最後, 媽媽幫你同愛你的親朋好友說聲: 多謝! 多謝你們的厚愛, 澄澄有你們錫, 是她的福氣! 也是我們的福氣, 因為慳返唔少$$..哈哈..


上星期姑婆送來的玩具.

她開始散發少女的情懷..玩煮飯仔..

自己用杯飲水啦...

我愛拖鞋

小朋友喜歡穿大人鞋.



她喜歡是因為她要學大人.

有天, 讓她試穿人子拖. 起初, 不太願意. 當我穿起我雙浮誇人子拖, 果然, 令澄澄欣然接受.



good!! 澄澄的露"駁"look + 人子拖.. 去沙灘預埋你.....

唔該, 俾反應!

同媽咪朋友傾開閒計, 說有了小朋友的生活不會悶到哪裡去. 一天到晚都要應付小朋友好奇心, 又要俾表情又要俾反應. 真的應同她的講法, 我們做父母的真的忙. 不是忙什麼, 單單忙於俾反應都夠你忙... 好像我們女兒看見一樣靚東西, 你要立刻眼都突埋, 用提高八度的聲線話:好靚呀!!..有次, 澄澄仲細的時候, 我地唔想佢食雪糕, 於是, 我要做個勁難食個樣俾澄澄睇. 佢睇見咁難食, 都無話要, 仲要你俾佢都唔食tim. 又有時, 我們返祟拜, 明明唱緊詩歌, 一個波定埋泥..唔該..呢位家長俾d反應, 一係拋返俾個小朋友, 一係收埋個波. 我們教會的家長個個愛心滿腔的, 怎會收埋個波呢.. 咁拋返俾個小朋友, 個小朋友以為你同佢玩, 如是者, 一個拋一個接..

有時連食食下飯都要俾反應..

紗巾

初生的澄澄常常用紗巾圍著頸項, 免得吐奶弄髒衣服. 如下圖.




再大一點, 澄澄對紗巾有了感情, 玩耍的時侯還是睡覺的時候, 都要有它. 如果沒有它, 澄澄會睡不著呢...



以下是澄澄差不多一歲的時候影的video..

第一次做花女的video

澄澄係今年的一月六日, 即係亞車的婚禮中擔任花女一角.. 但你要知道當時的小澄澄只得11個月大. 要她完成這個任務, 真係一d都唔簡單. 但最緊要係新朗哥同新娘對澄澄的無比信心...去

炎炎仲夏

我愛看你食雪糕..真的愛死你!!

又生日..

澄澄的歲半生日video. 不要問我為何歲半要慶祝. 世界上有太多沒有原因的事罷. 往往只求開心. 沒有candle, 爺爺說用牙籤都可以. 於是, 點著牙籤, 第一下, 很像candle, 到我們唱到最後的happy birthday 的時候...牙籤變了支香... 我地呢d百無禁忌的, 笑到格格聲, 難得主人翁淡淡定定, 吹埋支"candle". 呢d係唔係經過多次生日會後的成果呢? :)

一年半

給你一年半的時間, 你可以做什麼?

完成一個碩士課程? 籌備一個世紀婚禮? 由blogger變成作者? 還是學曉一種外語?

剛過去的一年半, 你是怎樣運用呢?

我的不提也罷, 但澄澄的一年半可精彩非常!! 她由我的肚皮擠出來, 紅紅的身軀加上"呀呀"的哭聲, 從此地上多了一個與我血脈相連的小天使. 由沒有牙到今天的7小隻, 由爬行動物進化成雙腿走路, 由哺乳類成為食肉獸. 從母親心底, 這個脫變是預期的. 但真沒想到只需一年半的時間小天使變成與我手拖手的同伴. 感動嗎? 我真的為上帝的創造而感動. 祂讓我見證由無到有的滿足, 也讓我感受建立的喜樂.

曾幾何時, 別人問我, 每個主日帶澄澄上教會很辛苦嗎? 辛苦, 很辛苦. 有時一個人帶, 真的很辛苦. 但一想到, 我的神怎樣待我們一家, 敬拜的心就會帶我回去. 辛苦只是短暫吧! 一上到教會, 見到很多屋企人及教會的朋友, 他們前來的慰問關心及幫忙, 這樣, 不是足夠了嗎?

一年半, 不經不覺上帝已經祝福一年半了.

歲半生日video後補 :)

樹熊上身

不經不覺澄澄已經練好一身好武功...她的手力和腳力可以攬實我, 而不掉下....

鼻不了

你們的頸是否長了? 對不起, 又要你們久等我的update.

剛過去的週末探了只得6天大的Clarie, 她像誰的遊戲我們像玩厭了. 不再硬要將她的樣子說成似媽媽或是似爸爸. 如果真的要玩, 我會說她像澄澄....哈哈....不過, 人家的bb的鼻子可高喔! 你看我還是很介懷澄澄的扁鼻子!! 在視覺上, 太過平面了! 其實不是介懷澄澄的, 反而介懷我自己的一頭扁鼻....不知可解, 澄澄不選爹d的高鼻樑, 反而擇了一個扁的. 記得在胎裡的澄澄, 她是有鼻樑, 還挺高的. 當時, 滿心歡喜女兒像爹d有個出得大場面的鼻. 怎料, 出來以後, 就得了一頭...唉..現實豈會盡人意呢..

不過, 我以後定必會不停同澄澄說這個鼻是幸福的象徵, 不是人人都有. 好彩你有這個鼻..如果唔係你就無咁多人錫...諸餘此類.......還可以怎樣? 它日日夜夜的伴隨左右, 要不愛上它, 就是把它.... 把它.....算罷!! 我不想澄澄像下一個葉翠翠...

左看右看, 鼻就是鼻, work到就可以啦, 懶理是圓是方是高是低..它還是它, 沒必要就不要改了!!

原本是靚靚樣, 大家以後唔好focus佢個鼻..


食了什麼..令澄澄有如此反應..好似係酸菜..


亞女..洗唔洗咁呀../

生日快樂

有幾類人唔會主動慶祝自己的生日:

1) 未滿2歲的兒童
2) 沒有朋友
3) 年事已高(其實只得30/40多!!)
4) 做了父母 (只會記得仔囡的生日日期)
5) 剛踏入0的關頭(e.g.30,40,50)

剛剛這個星期, 我就同以上兩類朋友慶祝生日. 當然, 我們沒有開p或是大排宴席. 只是唱唱生日歌及吃口生日蛋糕罷了! 其實, 人要不要慶祝生日, 我沒有意見. 只是我覺得生日的意義並不是有幾多人跟我慶祝, 收到幾多禮物. 而是, 感恩地我還是活著. 年覆年, 今年做到的, 並不代表明年可以做到; 今年還未做到的, 並不代表明年不可以做到. 每年的生日, 我同自己講, 今年過得可好喔! 不得不承認, 我最愛過20-30的每一年, 因為每一年都有很大變化及成長. 差不多人生所有大事都在這十個年頭發生, 可真忙得興奮. 那一年畢業了; 再一年, 拍拖了; 再過一年, 上班了; 再一年, 轉工了; 再多一年, 再讀書, 再畢業了; 然後一年, 結婚了; 再再過年, 生孩子了; 再下年, 是怎樣呢! 轉眼就3字頭, 有一點失落. 就像文章的起承轉合. 剛過去的10年是如此的"承", 30-40是不是下一個"轉"呢? 我期待著! 今天的生日朋友, 我祝妳(及你們): 生日快樂, 30並不可怕, 精彩的人生正等待著你們去開拓呢!! 歡迎加入"三字頭"的項列!! 嘻嘻...


澄澄的朋友仔"晴晴"

晴晴在做什麼呢..不是嘔喔.

而是..吹candle..

生日如此開心!!

太陽伯伯

明明教緊澄澄唱歌, 可以日後唔怕人, 企定定唱歌娛賓. 但係呢個女...睇黎就真係唔識合唱歌表演嫁啦..耍雜技似乎啱d..有請..空中飛人....





p.s.唔知係唔係我自己"盈"住..每次同澄澄唱完太陽伯伯呢隻歌, 第二日都會係下雨....可能呢隻歌係求雨歌..?????

生活mv

我用了半天才弄好的music video. 竟然因為memory太大..upload唔到.. 我的天呀!! 今日, 再將個mv整細d.., 即係無"大個女"個backgroud music, 同埋無一些相片..怎麼說都不像一個mv.. 但人家第一次做.. 收貨吧.. 終於, 可以俾大家一聽澄澄的洪亮聲線...唔知要唔要download一段時間呢....如果係, 請耐心等等!

傻爸爸

講開寫blog, 不得不提我個老公, 即係澄澄的爹d. 佢當然會睇呢個blog啦, 但頻密程度同澄澄d fans比, 簡直係0. 有次佢話, 其實個blog寫得唔錯, 不過, 如果可以加下d乜同乜就會更好..係既, 如果我係web designer, 我會做得更好!! 可惜, 我唔係.

琴日, 佢係書房到睇澄澄個blog, 佢睇到個title "回家篇"..http://wongching.blogspot.com/2008/06/blog-post_23.html..佢夠膽死問我,個名中國藉男子係邊個.. :&(激死!).. 再之前, 我係個blog到post了一張泳照, 個張相佢無著衫. 佢見到之後, 要我即刻delete. 理由是佢的同事會睇到..... 其實人地係睇佢個女, 唔係睇佢!! 同埋我已經"簡"張佢好"fit"先post..哈哈..!!

仲有..個次媽咪黑超打麻雀..佢問: 佢地真係戴黑超打麻雀呀? 係呀..傻爹d...最後, 佢堅持要我upload一輯video上blog, 理由係亞女好大聲好大聲叫佢....爹d....但我話, 個輯video係我著住泳衣..我唔想..佢好堅持咁話.. "我要post!!"

係既..係既..第時亞女大個睇返, 原來細個個陣係幾仰慕呢個爹d...佢又幾咁英明神武..."." 你地兩父女唔洗寫..就可以坐享其成!! 無理由!! 我要post你兩個肉照...死未!! 嘻嘻!!

脫期

各位blog友,

真係唔好意思, 最近因為出了太多街, 攪到我身心疲累. 難得亞妹請纓幫我寫blog, 我可以偷懶一下. 人一懶就好難的起心肝再努力. 好似今日已經是7號了, 但我仲打緊2號, 你話死未! 只從寫呢個blog, 我收到好多鼓勵的說話. 仲話每日都會上來click一click. 由一開blog只得十數人, 到今日有50幾人睇, 有5倍增長, 不得不給自己同澄澄一個"勁"字!!


下.....50人.....


我有時諗究竟個50個係邊個呢? 有留言個6個人就必然係鐵膽啦. 有ee, shumshum, 表e兩個, 亞耿. 咁其他個44個係邊個呢? 我d姑姐都好喜歡上來看看澄澄的最新動向, 個到有3位, 而最估唔到連姑丈都係忠實fans. 仲有我公司的莎姐, 屋企的媽咪, 99(nine nine=奶奶)同細佬.剛剛知joey & heddy都係fans. 呀..仲有whitney, cherry姐姐!! 數極都有32個不知名人仕.. 實在好愧疑!! (原因係blogger唔似yahoo咁, 有人prmote佢地d blog, 吸引多d人去睇, 所以如果唔係我的親朋好友的話就不可能有我的blog address嘛! 除非是我的親朋好友send俾佢d親朋好友.)

e.. 計落..其實我個blog都唔係好okay. 我係facebook都有一百個friend啦, 家下得個50個blogger懂得欣賞, 睇黎我都要寫好d, 免得連個50個親朋好友, 或者親朋好友的親朋好友, 都唔睇就弊傢伙!! 如果無你地既支持, 我就好難堅持, 澄澄第時就少了一個media去知佢以前細個既趣事, 同埋佢媽咪的傻逸事. 總之, 多謝你們每日or隔日的click一click!!

澄澄！你係屬於舞台嘅！

又到飲茶時間，公公搵到個靚位，在舞台的旁邊，即是說，又是澄澄的 SHOW TIME了!


呢隻係22世紀”un” 腳舞


交友篇


公公婆婆各自忙碌



舞台另一造型—可愛小天使


丈公動感快拍


你睇公公幾型仔！


除了MaMa，婆婆就“tum”澄澄的好手。



話咁快，又到旅行尾聲，下著雨，澄澄就當了小紅帽的配角…小紅棗



bye bye lu…