Pure and Clear

老地方見

2012-02-06T16:54:00.001+08:00

每次從電視或電影中, 聽到:老地方見! 我很懷疑, 其實他們知不知道哪裡? 甲同乙是從哪天開始認定那兒就是老地方? 是去了一次, 然後就說: 這裡是我們的老地方, 以後我們一說去老地方, 就是這裡! 如果是這樣, 很土, 很幼稚! 如果彼此從沒有說過哪裡是老地方, 當某次, 有人說老地方見! 大家不約而同在某處相見, 這樣既浪漫又驚喜喔!!

最近朋友們在what's app相約出來, 大家定好日子, 問在哪裡食呢? 某人提議老地方, 大家一致贊同...拿拿拿..我們真係無講去邊嫁. 我戰戰兢兢地確定地方, 到達時, 他們已經在那裡了. 很開心, 我們有一個老地方了!! 這種不用說, 而心神領會的, 感覺很好喔! 原來, 當你和朋友之間, 隨著年月過去, 建立不止於友情, 還有彼此的默契. 我紀念冊上的友誼永固, 是她們將之變為真實!! 興奮不是"發現"了老地方, 而是重新定位我的友情. 在點餸食飯的環節中, 朋友們依舊說出想吃什麼什麼, 不過, 到最後我們還是點我們慣常的菜色, 沒有人提出反對, 因為從一開始, 我們的喜好, 對方就了解清楚. 就是這麼多年, 我們依舊是我們, 是那群愛玩愛顛的傢伙. 感恩, 有你們作我的朋友!

想起紀念冊上的友誼金句:
* 萬里長城長又長, 我倆友誼比它長!
* I have a pen,this is blue; I have a friend,this is you!
* 開開心心say goodbye;其實心裡want to cry;我倆友誼never die;

其實細個個陣, 都係人寫我又寫, 無無聊聊咁, 唔知宜家仲有無人寫紀念冊呢d咁out既野呢?

睡公主

2012-02-01T15:37:00.000+08:00

今天想起睡公主的故事, 可愛的小公主出世的時候, 在皇后的懷中被小仙子們祝福, 可是其中一個心懷不軌的女巫, 出於嫉妒以「公主在會十六歲時,被紡織機的紡綞刺破手指而喪命」的詛咒作為禮物, 幸而還有一位仙子未獻上祝福，她把女巫的毒咒緩解，使公主不會死掉。但公主仍會沉睡，直至有一個真心愛慕公主的人前來獻上親吻，公主才會醒過來.於是, 國王下令禁止使用紡綞。然而公主十六歲時, 正好在一座古塔中碰到了一個正在用紡錘紡線的老婆子，公主一挨着紡錘即倒在了地上, 詛咒成真.

現在做孩子是福是禍,有點攪不清. 以前天生天養, 沒有讀好書的, 靠靠勞力怎也可以自力更生. 現在時代不同, 讀好書的, 恐怕找工也有困難。做現代孩子的, 被父母嚴加管束, 可不是要他們成龍成鳳, 只是父母一廂請願認為孩子的未來如果沒有學歷, 沒有技能, 沒有eq...就成為乞兒了! 多麼可怕的結局喔! 所以, 我們作父母的, 在我們有生之年, 給孩子好好裝備, 到孩子將來長大之後, 不單可以自力更生, 更可以養起一頭家.

父母總會是"為兒女好"而千方百計為他們遮風擋雨. 上一代還是這一代, 父母都請願辛苦自己吧. 可是, 人生的風浪誰曾沒有? 可避得多少? 縱然國王下令禁止使用紡綞, 詛咒仍然成真. 不妨放下對未來的恐懼, 試認同孩子的能力, 就算他不是專業人士, 大概不會是乞兒吧. 有衣有食, 應該是可以的. 故事的尾聲是有一個真心愛慕公主的人前來獻上親吻，公主才會醒過來. 或許, 我們不是訓練一個又一個的專業人材, 而是教出一個端莊可愛的孩子. 就算一天, 父母都不在時, 仍然有人愛他疼他. 那樣, 真的就如童話故事中, 他們以後就過著幸福快樂的生活了.

龍年b

2012-01-31T18:07:00.000+08:00

最近, 媒體不斷報導藝人們生b潮, 陀龍b等. 好像人人都生仔, 言之鑿鑿.

我生澄澄那年,是豬年, 那年也是人人趕生仔, 大家爭做豬. 不明白豬及龍有何好?? 豬既懶又穢, 龍更不是動物. 中國人愛假大空, 說的不錯.

其實人多真的壞大事, 想當年, 因私家醫院控制婦產科床位的供應, 未生孩子之先, 要交預留床位費, 已經覺得沒道理. 我還是等到在澄澄7個月大時, 才乖乖交上. 還記得, 護士說孩子沒有, 留床費也沒有. 很好的服務態度喔! 再生澈澈時更理譜, 要在3個月交上. 生孩子這回事, 不是你想平平安安, 它就平安出生, 要不然什麼菌, 什麼綁臍帶, 什麼沒原因, 它不來就不來. 心裡已經難過, 再想到沒有那筆醫院的費用, 心碎心碎..

萬幸澄澈平安到埗, 少了不必要的開支, 對我們剛組織家庭的, 確實是好事.

原本想寫這篇blog, 是表達我陀澄澈時的兩種心情. 可是, 當我看到最近的雙非事件, 我真的很想很想談談這個話題. "雙非人"不是今天的問題, 已是6年前或是再早年的事. 政府容許"雙非人"可以得到居港權時, 背後理念是香港人出生率低, 要靠同胞的生產力增加未來的勞動力,減輕政府未來的福利開支. 是否全世界只有香港人出生率低? 如果那些地方都有出生率低的問題, 人家會否又呼喚其他的同胞在他們的土地上生兒育女呢? 還是用利誘的方法提高生產呢? 政府工作的人, 又否想想人家利用你之後, 就一走了知呢? 唉, 越想越嬲......不要怪香港人越來討厭"雙非人"討厭政府. 香港人辛辛苦苦工作, 想組織一個幸福小家庭, 不祈求政府有什麼幫忙, 只求有個舒適環境生寶寶, 孩子有書讀, 人人有工開, 其他都不說了.

今年又有很多朋友陀龍b, 希望他們好的多想, 不好的不想, 事事順利!

向美好一年出發

2012-01-30T11:57:00.000+08:00

充滿生機的春天已經降臨, 把握時機, 許個願, 定目標.

今年澄澄要考小一, 希望她找到一間合適的學校.
今年澈澈上幼兒班, 希望他適應及讀得開心.
今年要多悠閒多寫blog, 因為上一年太勞累了.
今年要認認真真拍拍拖, 多多經營夫妻關係.
今年要盡忠職守, 勤勤力力有錢剩.
今年要多多親近神, 榮神益人.

還有很多的願, 很多的目標, 唯有祝自己心想事成, 常作預備!

真心做媽咪

2011-05-04T15:47:00.004+08:00

糊裡糊塗當了4年3個月的媽咪, 越來越喜歡當上這個角色. 自從上年多了一件寶貝, 真的越忙越精彩。

家姐仔上了k1就好像人家上小學那樣, 每天又功課又溫習。有時, 又要給她去什麼比賽. 辛苦不只媽咪, 還有家姐仔. 不想辛苦, 就轉轉心態。每天晚上, 用興奮的心情打開家姐仔書包, 估估她今天要完成什麼功課. 哦, 寫個"B"字, 順勢問問家姐仔, "嘩! 原來1加3係B" 家姐仔笑笑. 再說 "寫得唔錯WOR!" 鼓勵就少不免啦! 然後, 再讀每天的中英文書. "咁多字, 亞囡你識晒嫁?" "唔識唔緊要, 媽咪都唔係乜都識, 努力試下啦!" 又係鼓勵啦. 有次上台比賽, 家姐驚驚地, 唔想上台! 個刻, 我同家姐仔講 "你咁努力背, 應該唔會差既, 試下啦" 於是, 開心上台, 大大聲表演(不過, 無晒動作), 下台問我幾時有獎? "亞囡, 其實除了你有努力之外, 仲有其他小朋友都好努力, 由於, 你唔記得做動作, 可能無獎LOR" 結果: 無獎攞! 羸了經驗都好難得!

輪到"呢個百厭星"既細佬仔, 他是個獨立, 有個性, 流血不流淚的真漢子! 他對我們很好, 由出世到9個月都很易湊. 到了識行的第10個月, 一切都起了變化。他開始懂得爭取, 看見食得的, 他都會叫"MUM MUM", 可以食和不可以食的都放進口裡去. 見到家姐的玩具, 圖書, 食具都要一起玩, 明明在推動車車, 見了家姐在玩BARBIE都不會放過. 現在事巫大小, 都要預他一份. 有時和家姐伴讀, 細佬又會去過來攪攪震, 給他一本書, 我同家姐又會"嘩! 你個本好靚! 我又想睇" 才能耍走他. 有時看著他對著書"嘩嘩聲", 都幾有趣. 管這個細佬仔, 要對他像香港人, 因為他對自己的訴求非常清楚, 他很明白, 有時說了都會沒有, 不過, 不說就一定沒有. 所以, 他會"大聲"發言, 做媽媽給他小甜點, 他的要求又會降低, 再分散注意, 我就水到渠成了!

澄澄要多鼓勵, 澈澈要多給機會參與. 兩個一齊時, 只要多公平. 我這個媽咪應該很易做吧!

澈澈

2010-11-25T17:06:00.005+08:00

剛剛出生

1個月

2個月大

4個月

5個月

6個月

報告一下澈澈6個月大有咩做到先:-

1. 自己懂拿著奶樽
2. 開始食粥仔了!!
3. 重18磅
4. 開始四腳爬爬
5. 有時會站立
6. 喜歡去街
7. byebye都可以做到了

義海豪情之義

2010-11-25T16:52:00.003+08:00

近來熱播的電視節目-義海豪情, 爹d坐著看得入神, 澄澄就在畫畫.
鄭九妹一句對白係咁既.....
"我鄭九妹咩都唔識, 就係識個義字..."
係呢個時侯, 澄澄係到笑. (注意: 澄澄當時係無望電視, 只係低頭係畫紙上塗色)
我好奇問澄澄, "澄澄, 你係到笑咩呀?"
澄: "呢個大人好攪笑"
我: "有咩咁攪笑?"
澄: "佢咩都唔識, 淨係識個2字, 其實1同3都好容易嫁, 佢都唔識, 好攪笑!"
我: "哈哈...唔知佢攪笑定係你攪笑...."
澄: "哈哈...我都識1,2,3啦..佢都唔識..哈哈...好攪笑"
我: "哈哈...."

旅行去

2010-07-06T18:10:00.008+08:00

每次搭飛機, 不其然會想, 自己會不會遇上什麼意外, 所以每次搭飛機都會戰戰兢兢的. 希望自己平安回來, 不要家中的人擔心. 今次, 我比平時少一份掛牽, 因為今次是和老公一家及澄澄去KL玩樂4天. 只是留下澈澈在家裡, 讓外婆照顧, 畢竟2個月的澈澈, 不宜坐飛機及遠遊的. 這是我非常放心的安排. 不過, 如果再計劃, 我一定一定帶澈澈同往或者一家人不去旅行, 因為少了澈澈, 好像欠缺什麼.

這次旅行是4年前黃家泰國之旅的延續篇, 上次是我剛剛新婚, 同團的只有一個BB, 就是皓霖表哥. 當時他只有10個月大. 短短的4年時間, 黃家的生產力非常驚人, 今次已經多了3個小朋友了. 我想最開心的是老爺和奶奶吧!

這次的目的地是吉隆坡, 有沒有去周邊的地方? 答案: 沒有. 我們去得最遠的只是一處叫SUNWAY LAGOON, 這不過是由KL CITY坐30分鐘車程的地方. 當你一家15口去遠行, 有大有細, 腦海中只想: 簡單就是美!

問我這次好玩嗎? 我想不是好玩與否, 而是能夠所有人平安回來, 中途沒有意外, 可以完成之前定下的行程, 我覺得已經是創舉了. 這次我們還可以做了180分鐘的SPA, 我覺得有賺了....最後機場30分鐘腳底按摩, 真的賺突了... 哈哈....

我們問小朋友, 覺得最開心係邊到玩呢? 表哥話游水, 澄澄話係酒店. e...咁其實去黃金海岸都得啦... 不過, 幾時都覺得坐飛機去旅行先叫做去旅行. 要有些冒險, 先叫開心. 再講, 幾時可以一家15人, 齊人再出發, 淨係講都要講幾年, 要行動又幾年, 我想無5, 6年, 都好難成事了.

以下是我在旅行時的開心大發現:

1) 表哥原來好攪笑
話說表哥唔知係邊到搵到條蠅, 然後叫呢條蠅做鰻魚. ok, 小朋友想像力豐富. 但是表哥不同在於, 佢當它真的是鰻魚, 用水筒裝著, 然後叫我唔好行過去, 因為條鰻魚會電人. 澄澄同表妹想見下鰻魚, 表哥同佢地講: 我宜家開個蓋比你地睇, 不過你地要小心, 因為佢會電人嫁! 兩個女孩子好緊張的點頭, 表哥好小心好小心打開個蓋. 車!! 得條蠅!! 不過, 表哥好認真同澄澄&佢妹妹講: 絛鰻魚瞓咗. 所以唔電人, 你地唔駛驚. 兩個女孩子再次點頭. 佢地兩個好似個d中咗補藥黨咁.. 信晒!!

愉快媽媽

2010-06-17T14:15:00.004+08:00

不知誰"發明"坐月子這回事, 要是知道的話, 我想婦女界應該頒個獎給他. 什麼坐月不能出街, 不准洗頭, 不准沾水, 不准拿重物, 可以睡的話即管多睡, 簡單說即係唔洗做!! 就算你唔化妝, 烏烏XX, 肥到唔見得人都唔會有人係你面前話你.. 至於食方面, 每日有好餸食, 補品當然唔少得.... 在這日子, 人生實在太美滿了, 活像肥皇后一樣. 有次老公說"你真"坦"", 我回一句, "我陀10個月都係等呢個月, 宜家唔坦, 等幾時?" 女人生仔有幾痛, 我就要係呢個月有幾"坦", 唔係對唔住自己... 哈哈!! 況且, QUOTA有限呀. 這個年代, 生1個已經是極限, 生2個簡直係.......................................................找死.....哈哈....好彩有人講過, 人一出生就係步入死亡, 我覺得講得相當對, 所以這次找死是OK的!!

當然快樂的時光過得特別快, 又係時候講BYE BYE啦. 一個月.. 實在太短啦.

坐完月, 就要開始照顧家中兩位寶貝. 老實說, 生完澄澄之後, 回公司工作是甘心樂意的. 但生完澈澈, 我真的很想留在家陪兩位心肝談天說地, 陪他們往公園玩, 與媽咪朋友們吃早餐, 買下餸, 吹吹水, 人生原來可以唔洗睇幾多點. 鐘意今日就同亞囡畫畫, 鐘意就來個午睡, 鐘意的扮小朋友聲同澈澈傾計, 再唔係就出下街, 最衰未收身, 唔係游埋水都仲得, 真的很開心.

有兩個孩子的心情

2010-04-21T23:08:00.003+08:00

今日和澄澄傾計, 問她, 當媽咪和細佬由醫院回家時, 你會送什麼禮物給他. 問她預備好沒有. 她說預備好了, 是一盒顏色筆. 我說, 唔..唔知..細佬是什麼樣子呢.. 澄澄很開心的說: 細佬個樣好得意嫁....我問:點解會好得意呀, 你都未見??? 澄澄笑著說: BB都係好得意嫁!! 曾經問澄澄, 如果細佬唔乖, 你會錫細佬麻? 她說: 唔乖都要錫嫁!! 但願澄澄真心的喜歡這個細佬. 而這個細佬也愛這個傻傻家姐.

媽咪真係好期待你倆相見的時候會是怎麼樣. 細佬的樣子會不會很像家姐呢? 你們會否彼此相愛相親呢? 媽咪每次看見身旁的兩姐弟相處, 都會加倍留意. 每個父母都想兄弟姊妹和平共處, 但是這並不是父母想就可以的. 凡事都要學習, 媽咪是首次當兩位孩子的媽媽, 希望我可以公平, 公正處理你們的紛爭, 用加倍的愛照顧兩個寶貝啦.. 如果.. 真的如果...媽咪做得不好, 你們要跟我說喔!! 從來, 媽咪都是學習怎樣做個好媽媽, 有你們的意見, 我只會做得更好吧!!

我的兩個寶貝, 我很愛你們啊!!

澄澄與堂濤濤

2010-03-23T20:55:00.000+08:00

自從堂弟濤濤剪短了頭髮之後, 澄澄時常都說"濤濤好得意", "點解佢咁得意既!". 而濤濤也很喜歡這個家姐仔. 每次見到澄澄, 他都會不期然的笑起上來.

澄澄很愛抱濤濤, 無奈有時濤濤睡著了, 她會出盡辦法弄醒他. 例如: 用手指按他的鼻, 用隻手大力按他的手, 大聲笑, 大聲講野, 試過用手按他的肚, 總之, 她可以做得出的, 她都做了.

爹d的功能

2010-03-22T20:44:00.000+08:00

大概爹d的功能是訓練小朋友個膽大d... 今次係訓練澄澄玩滑浪風帆..澄澄非常投入..仲好happy..

我的飢饉月

2010-03-18T08:17:00.000+08:00

都過了差不多一半的飢饉月, 還是不飢不饉.

「其實，敬虔加上知足就是大利。因為我們沒有帶什麼到世上來，也不能帶什麼去，只有衣有食，我們就該知足。但那些想要發財的人就陷在誘惑、羅網，和許多無知有害的慾望中，使人沉淪，以致敗壞和滅亡。」
（和合本修訂版提前6:6-9）

沒有節制的生活根源於兩方面：
1) 身體上的慾望；
2) 心思上的習慣

在饑饉月餘下的日子，我們透過對身體的管理來操練靈性，其中包括兩部份：
1) 食慾的節制：在飲食上節制就是適量而止的意思，不受制於美食和內裡的慾望，不在正常飲食以外花錢吃零食，不貪戀各樣美食。

我想在懷孕的過程, 我已經很克制, 沒有過份的豪食, 但是還是心思思想食甜的美食是有的, 例如珍珠奶茶&雪糕. 在飢饉月, 我唔一定要食你倆兄弟..我都會生活得好好的... 我忍口!!

2) 言語的節制：操練少用嘴巴，多用耳朵，少說多聽，操練停止虛浮的談論及是非，用心聆聽別人的需要，多說正面及鼓勵的說話。

這個還可以吧..多鼓勵別人!!

在這個饑饉月(其實不單止這個月), 讓我們時常懂得心存感恩地享受當下的生命而不與人比較，體會我們所擁有的，都是從神所領受的禮物. 這樣知足, 就可以常樂也!!

最愛是誰

2010-03-17T16:34:00.000+08:00

無聊的晚上, 和澄澄在床上對話..

媽: 澄澄呀, 你鐘意麻麻, 爺爺, 婆婆定係公公多d?
澄: 哈哈.........我鐘意.....姨姨同姨丈多d...
媽: (o嘴).....我問你鐘意麻麻, 爺爺, 婆婆定係公公多d喎!
澄: 我鐘意.................................舅父多d..
媽: 哈哈....嘩.. 你比舅父聽到.. 開心死佢呀...

媽: 咁.. 你認真講比媽咪知..你鐘意...媽咪定係爹d多d??
澄: 哈哈哈....(笑了一陣)..我鐘意婆婆同公公多d...
媽: 下....好啦.. 咁你鍾意表哥定係細佬多d (我以為佢會答細佬或者表妹)
澄: 哈哈哈....我鐘意麻麻, 爺爺多d..

究竟佢知唔知我問乜既呢? 定係佢唔想話比我知誰是最愛呢?? 好玩野呀!

我們對話~面部篇

2010-03-16T17:45:00.002+08:00

又係晚上, 就快瞓著的時候...

澄: (係到摸緊塊面)..o...我唔記得擦面呀..
媽: 睇下..
澄: (仲係到摸緊塊面)...好鞋...
媽: 係wor..好粗糙wor..(用"粗糙"係因為最近澄澄在學校看過對比詞的圖書).
澄: 唔滑啦..("粗糙"的對比是"光滑")
媽: 係wor.. 唔光滑wor.. 快d擦返d face cream啦..
澄: 係..宜家滑晒啦..

早上, 我正在化妝, 澄澄在擦牙的時候..

澄: 媽咪, 你睇下我..
媽: 係喎.. 好叻喎自己擦牙.. (一邊講, 一邊拿拿淋化妝, 趕住出門口)
澄: 唔係呀..
媽: 唔係咩呀??
澄: 你睇下我..我磈面唔用"e"支都紅色呀..
媽: 咩"e"支呀?
媽: (澄澄攞起胭脂盒)哦.. 胭脂呀..
澄: 媽咪..點解既...我無擦胭脂塊面都會紅色既??
媽: 你個d咪叫做"天生麗質"lor..媽咪細個陣都無你咁"白裡透紅"
澄: 點解既???
媽: (有d煩)積係..媽咪無你咁靚lor.. ok??
澄: 係咪好似白雪公主咁??
媽: 係呀.."魔鏡, 魔鏡, 世界上邊個最靚?"
澄: 係澄澄呀??
媽: 係呀.. 白雪公主...快d出去著衫啦.. 遲到啦..

澄澄的角度

2010-03-15T13:49:00.003+08:00

小朋友喜歡東影西影, 從電話中尋找澄澄的"傑"作, 看出她對事物和我看的不同哦, 很有趣!

澄澄是這樣看嬸嬸的吧!

我和姑婆很想澄澄為我們拍照..

可惜, 澄澄只想focus朱古力餅.

燈..有咩好影呀?

tissue??? 影低佢做留念呀?

sofa? 唔通小朋友對時常接觸的東西特別親切??

這張我看了很久也估不到是什麼?

人物篇...媽咪時常出現在她的鏡頭下..

不不不...是細佬時常出現在她的鏡頭下..好多時.. 我都係無頭的..只有一個肚...

呢張係最似樣的一張..我懷疑, 是我教她影的..

時間就到了

2010-03-11T21:55:00.000+08:00

今個星期已經是32週了. 很快細佬就會出來跟我們見面了.

為了他, 我們一家人在這兩個月的週末不停地執拾房子, "香港地"住的空間有限, 所以我們都掉得的都掉, 送得的都送. 好讓有空間放bb床, bb用品, bb衣服. 回想之前陀澄澄, 在8個月時, 老公的堂姊送來一車bb用品, 嚇得我又點驚慌. 沒想到, 多一個小孩, 可以用這麼多東西. 今次有第二個bb, 心情比較輕鬆, 我們只要那些必須的用品, 其他可免則免. 這不是我們不愛肚內的初生, 只是有了之前的經驗, 今次再為人父母, 我們懂得什麼才是為兒女著想.

一間淨潔的房間比一大堆玩具, 應該更合宜. 和一家人一起玩耍比每天要聽什麼教育cd, 對小孩成長更有幫助. 一大堆的衣服應該選擇夠用就可以, 免得又浪費, 又阻位.

時間就到了. 縱然在這最後階段, 睡得不好, 又怕水腫, 又擔心他幾時出生, 又驚今次會很痛. 但是, 他每次的side kick或是一下一下有頻率的跳動, 都告訴我, 他的生命是強的, 就算我是多麼的不濟, 他仍是會努力的. 我們一起努力, 為這個家加入新氣象!!

剪頭髮

2010-03-10T22:23:00.001+08:00

回到家裡, 澄澄在看dvd.

我對她說: 叫媽咪先.
她回頭一看我, 就嚷著: 我唔要你短頭髮!
我說: 頭是我的, 我剪短頭髮又不是你, 什麼大驚小怪. 要是你將你的頭髮送給我吧, 我就可以有長頭髮.
她說: 好呀.

轉頭, 老公從房間走出來, 讚我的短髮好看.

澄再次嚷著: 我唔鐘意媽咪短頭髮!!!
我說: 都剪了. 況且, 爹d同媽咪都覺得好看wor.
澄想一想: 媽咪, 你小時候都是短髮吧?
我說: 可不是呢. 是生完你以後, 媽咪才要剪掉我的頭髮, 都是為了方便照顧你, 才剪喔!
澄: 現在有弟弟又要剪短呀?
我: 就是呢!! 你還說不喜歡媽咪的短頭髮.

之後, 澄澄再沒有說我的短頭髮不好看了.

我好鐘意你嫁!!

2010-03-09T20:53:00.003+08:00

上星期四, 澄澄在公園玩耍的時候, 撞到了口唇. 很可憐! 傷在澄澄身, 痛在父母心.

於是, 澄澄分別和我及爹d睡了兩晚. 因為怕她晚上要找我們.

昨晚, 澄澄很想和我或是爹d睡.

首先, 她跟我說: 媽咪, 我想今晚同你瞓.
我: 唔得呀, 你張床咁細, 媽咪個肚咁大, 唔可以一齊瞓呀.
澄: 可以叫爹d瞓我張床, 我同你瞓你地張床, 咪得lor.
我: 下, 你張床係princess床黎嫁wor, 爹d係男仔, 唔係princess, 唔可以瞓你張床嫁wor.

澄澄覺得我講得有道理, 於是去了我們的房找爹d.
澄: 爹d呀, 我想今晚同你瞓呀!
爹: 你同我地瞓, 好逼嫁wor, 媽咪個肚宜家好大啦. 唔可以一齊瞓呀.
澄: 媽咪瞓我張床咪得lor
爹: 媽咪咁肥, 瞓得唔好嫁
澄: 上次媽咪話瞓得好舒服wor. 爹d我真係好鐘意你嫁.
爹d聽到亞女咁講, 開心到呢..
爹: 聽日爹d同媽咪要返工, 你又要返學, 不如下次唔洗返工時, 你才過來瞓啦.
澄: 爹d我真係好鐘意你嫁.
爹: 好啦, 不如爹d講一個故事比你聽, 然後, 你就要返自己房瞓. 到我地唔洗返工個日, 你就過來瞓啦.

於是, 講完故事, 澄澄就在自己的princess床睡了.

老公好開心同我講, 澄澄話好鐘意他, 還笑說不知從哪裡學回來的. 從老公的口中, 好像得了心儀的對象向他表白似的. 我淡淡的跟他說, 澄澄很多時都說喜歡我的, 不要太過在要呀.... 小朋友哄人的技倆, 真的不要小看喔, 對著平時很cool的爹d, 澄澄也可以將他溶化, 很厲害喔!!!

由清除訊息開始

2010-01-28T15:21:00.003+08:00

那部舊電話轉送給姐姐之先, 要清除當中的訊息, 相片, 聯絡人...

由第一個訊息開始, "不用怕, 應該不會太痛吧. 你就快要當媽媽了, 明天我們一齊慶祝.....", 是2007年1月15日的晚上由妹妹傳送過來的. 接著就是老公send來的歌詞, 一首在我們婚禮上唱的歌, 是他自己創作的. 我真的不捨得delete. 希望下次生細b再send多一次比我.. 哈哈

1月16日晚上, 收到很多訊息, 大部份都是祝福的說話. 還有一個窩心的一句"辛苦你了! *o*

之後, 就是很想來探我或者探完我後說bb很可愛之類的短訊. 有一個特別深刻, "很久沒有看見生完後這麼開心的媽媽", 是的, 那晚我有兩位很要好的朋友來醫院探我, 我們像在家/餐廳一樣, 無所不談, 要知道我們在一起的時候, 我們都不愛看錶, 因為一講就會是兩三小時, 看錶也是無謂的. 那次她們來探我, 弄得很晚才走. 可憐的應該是同房的太太.. 之後, 她們send給我的短訊, 原來一keep就keep了3年了.

再往後, 發現原來生完澄澄後, 有段不開心的時間. 因為連我細佬都在兩日內兩度傳訊息給我. "我們是一家人, 有咩事, 24小時on call", 好感動呀.. 不過, 我諗諗下, 他時時24小時不睡的.. 24小時on call應該不是什麼驚天動地吧.. 甚至可能那晚他正在看英超...不過他那份情, 在心中.

最多sms我的, 應該是我表妹, 一時問我起床未, 一時問我要唔要早餐, 一時問我今晚過來食飯得唔得.... 看似最無聊的短訊, 但是, 就是她提醒我, 有人陪我, 我並不孤單. 感覺多好.

再delete那些短訊, 已經是澄澄3個月後之事, 又開始上班, 身體開始復原, 情緒方面都不再像之前了. 因為我收到message是, "我同亞x係physical等你..", "今個星期cell去xx..你出唔出現?", "股票xxxx沽出xxx股", etc... 哈哈.. 2007, 那年股票市場旺到呢.. 最深刻是一天之內v型反彈.

其實由澄澄出世開始,我的心情都像v型反彈. 好好到好失落, 再好好. 原來真係有產後depression. 5月將會是另一個孩子出生, 希望今次那個v不要太deep.. @_@

所有message都delete好了, 足足花了我一小時才完成...美好的會牢記, 不好的刪除好了.

做家姐的啟示

2010-01-26T11:16:00.002+08:00

肚裡的bb已經有6個月大了, 澄澄已經接受將來有一個成員加入我們的家庭.

起初, 所有人都跟她說, 你大個了, 做家姐, 要幫手照顧細佬, 要乖, 要自己學習照顧自己.....這些積極的調兒, 希望幫澄澄接受要做家姐的事實, 因為怕細佬出來後, 她會妒嫉. 但是, 我想沒有人真心的希望當別人的家姐/哥哥. 為什麼有細佬/妹妹就要自己顧自己, 就算沒有細佬/妹妹, 自己都要學習獨立, 都要學習分享. 為什麼有細佬/妹妹之後, 我要做一個家姐/哥哥? 每個人都是個體, 做父母的當然想子女和諧共處, 你幫我, 我幫你. 但是, 如果父母每次都要說, 你做哥哥的要讓妹妹, 你做大的要做榜樣. 我想說, 我其實並不喜歡做大的, 只是我早出世多幾年吧..

所以, 最近我很少在澄澄面前提細佬, 之前幫她穿衫時, 我會說你自己試下穿, 因為第時細佬出世時, 媽咪可能無時間幫你, 你要學習自己做. 現在我會說, 穿衫其實好簡單, 你都識既, 老師都有教你. 你可唔可以做比媽咪睇下. 自從自己刻意將用詞潤飾, 不要比較, 不要偏心. 澄澄的行為大有進步, 她會要求我不要幫她, 要自己做. 雖然她只是3歲孩子, 但她確是很成熟, 她明白要愛細佬, 並不是因為她比他大, 並不是因為別人叫, 而是她真心的愛細佬. 問她, 你愛邊個多d? 她說, 她愛媽咪, 愛爸爸, 愛細佬同愛姐姐(是工人姐姐).

幸好自己都是別人的家姐, 明白當姐姐的感受. 也幸好我父母從來不比較, 所以我是一個開心的大家姐. 我從父母學習到的, 希望可以應用出來, 給澄澄一個好經驗.

澄澄肚子痛

2009-11-26T22:35:00.000+08:00

一天晚上, 我同爹d正在吃晚飯的時候, 澄澄走過來. (註: 澄澄是比我們早吃晚飯的)

我們問她要不要再吃? 她搖頭, 然後話想吃蛋糕.

我們見她已經吃過晚飯, 就給她一件朱古力蛋糕.

我們往超級市場買東西, 爹d見澄澄今天表演良好, 於是, 我們買完東西, 就去了麥當當食麥當雞. 以前, 澄澄只會吃一口就算, 當天晚上, 她吃了2件雞, 飲了一罐威氏提子汁, 很飽的晚上喔!

回到家樓下的lobby, 澄澄樣子很苦地說:肚子很痛!!
我說: 可能你吃得太多了.
澄澄還是很痛苦的樣子.
爹d說: 今天晚上不要喝奶了, 你已經很飽...
我說: 係呀..返屋企休息下吧...不要喝奶了..如果不是, 肚子還會痛呢..

回到家裡, 澄澄狀態仍然不佳. 我們都擔心她肚子是不是出了問題. 爹d還叫我幫她搽藥油. 搽了好一陣子, 澄澄似乎好了.
我說: 澄澄, 是不是好了點.
澄: 係呀.
我同爹d都想澄澄並不是想像中的嚴重, 應該沒有事吧! 接著澄澄再說: 我好番啦.. 今晚可以食奶啦...
我同爹d聽了之後, 都笑了出來. 這個囡, 真是..我們正在擔心她的肚子的時候, 她竟然只記掛今晚會不會沒有奶吃...

澄澄講野

2009-11-19T16:16:00.005+08:00

昨天澄澄去探剛剛出生的堂細佬, 濤濤, 我用iphone幫他們影相, 然後, 她嚷著要看, 她在相簿中看到一幅自己著雨衣及水靴的照片, 她興高采烈地同大家講: 我著左raincoat同埋boots, 係到飲緊"豬屎". 大家聽到之後, 卡卡的笑, "咩話, 你飲豬屎?", 澄澄還不知發生什麼事, 答:係呀. 我好鐘意飲"豬屎". 最後, daddy糾正她, 這個叫是juice, 不是"豬屎".

回到家, 澄澄仍然好興奮, 因為做了堂家姐, 心情特別靚.
睡前我問她: 澄澄呀, 媽咪肚有了bb, 佢叫咩名好呢?
澄澄想了一下, 答: 我有個friend叫黃卓言, bb就叫黃卓言啦
我: 下?! 你個friend叫黃卓言, 咁第時弟弟又叫黃卓言, 你會唔會撈亂嫁? 同埋, 你叫黃澄, 媽咪想bb同你一樣叫黃乜咁.
澄: 哦, bb叫黃乜!
我: 唔係叫黃乜, 我想話係兩個字.
但澄澄好似唔明白兩個字的意思.
我: 都夜啦, 你瞓下個時諗下啦.....
澄: 哦!

今朝我們一起吃早餐時, 我又問澄澄.
我: 澄澄, 琴晚你有無諗下弟弟叫咩名呀?
澄: 有呀.
我用好興奮的眼光望著她, 問: 係咪兩個字嫁?
澄: 係, 叫黃澄!!
我: 下, 黃澄? 你叫黃澄, 弟弟又叫黃澄, 咁第日媽咪叫你地, 都唔知叫邊個.
澄: 唔會, 弟弟叫黃澄, 我叫家姐....
oh.. 呢個囡真係....

澄澄+濤濤

豬屎圖

探病記

2009-10-21T22:00:00.000+08:00

最近, 有兩位長輩因病入院. 一位是我的九姑婆, 即是澄澄的太姑婆. 一位是我的親婆婆, 即是澄澄的太婆. 她們兩位都已經80有多了. 今次的病情比較嚴重, 醫院的醫生護士都叫我們做好心理準備.

在病床的, 在病床旁邊的, 彷彿都在最後階段, 能做到的, 都為對方付出更多. 有祝福, 有禱告, 有鼓勵, 有叮囑, 有寄語, 有交代. 這一切一切, 讓我想, 如果萬事都推前一點, 時間的流逝, 不再是可怕, 今天無論是躺臥的, 或是站立的, 都欣然接受. 因為凡事都有定期, 若然可以做的, 全都做到, 遺憾就沒有了. 可是, 人心肉做, 誰人又可眼巴巴的看著至親的遠去, 不掉眼淚呢? 今天我還記得, 麻麻被推進火化場的一幕. 只是按下一個掣, 火紅紅的火團已經包圍那副棺木, 腦中閃過, "沒有了! 我永遠再沒有麻麻了". 縱然我明白天家我們會重聚, 但她也不會再是我的麻麻. 因為地上的麻麻的確再也沒有了. 這代表什麼呢? 永遠的失去! 傷心就是永遠失去一個你愛她, 她愛你的人.

原來時間再推幾前, 縱然你每天都陪伴在側, 看似再沒有遺憾, 但只要你同躺臥在病床的那人有著不可分割的情誼, 你倆的分離, 就只會有無盡的痛. 人的情感就是這樣, 裝也裝不出來的, 只有你與她知曉.

在每次探婆婆的時候, 讓我有深切的感應, 就是姨媽對婆婆的愛. 從來, 姨媽對這個家都是滿承擔的, 姨媽不是那種大大聲在家發言的權威, 相反是她的溫柔及關懷守住這個家. 當初, 就算姨媽的環境怎樣不如意時, 我從不看見她流淚. 那次見到是公公過身的日子. 她骨子裡的剛強, 從來的溫婉, 都教我對姨媽有著無限的尊重, 更是我學習的榜樣. 今次, 婆婆病重入院, 對她來說, 一定心很痛. 那晚長夜, 伴著婆婆旁, 百般滋味在心頭. 值得感恩的是, 經了一晚的煎熬, 婆婆的病情再沒有之前嚴重.

之後, 我們又如往昔的, "有時間"才探婆婆, "有時間"才這樣, "有時間"才做那樣. 因為我們還相信我們還有時間. 但姨媽呢? 她請了假, 每天都往醫院探望, 每天都為婆婆抹身餵飯. 可以做到的, 一定為婆婆做, 這樣就是愛了.

坐校車

2009-10-08T11:11:00.003+08:00

10月份是大日子, 是澄澄開始自己坐校車的大日子. 其他人眼中的小事, 在母親的眼內卻是無限放大, 因為澄澄不用父母在旁, 也可以輕鬆自在. 簡單一句「獨立」!! 多麼大的轉變, 對我來說是很大的震撼.

10月5日剛好我不用上班, 也是澄澄第一次坐校車的日子. 所以, 順理成章我帶澄澄上校車. 澄澄沒有像第一次上學那麼緊張, 今次可以用"興奮"來形容. 校車到了, 澄澄一支箭上校車, 而我則忙於跟校車叔叔商討在哪裡上車下車的事, 回頭看澄澄, 她已經坐著並扣上安全帶, 笑容滿臉的向我揮手, 我們隔著玻璃窗, 用手指點點對方的手指頭, 道別了.

12:10準時在那地方等澄澄放學回來, 車門打開, 只聽到有小孩大聲叫: 媽咪!! 媽咪! 多麼興奮的笑聲, 是澄澄. 她很開心.

於是, 澄澄就愛上返學, 因為可以坐校車. 昨天, 輪到爹d帶她上校車, 反應和第一天一樣. 爹d問她, 在校巴上周圍望, 望什麼, 澄澄說dog dog lor!! 哦, 原來可以看見dog dog..唔怪之得咁鐘意搭校車啦..

最近, 澄澄經常唱的校歌...
xx幼稚園, 快樂小天地
xx幼稚園, 教學共遊戲
天天笑, 我無事 (人地明明係"我好學", 佢就唱我無事...改正過..都係唱.."我無事"..俾佢激死..)
老師愛我, 也愛你...

澄澄話

2009-09-23T10:14:00.003+08:00

上星期要出trip的關係, 澄澄這幾天老是要找我陪她. 反正昨天要看醫生, 所以有機會送澄澄上學.

我們手拖手往車站時,
澄澄問: 點解今日媽咪帶澄澄返學既?
我答: 因為媽咪要睇e生, 可以遲d返工, 咁咪可以帶澄澄返學lor
澄澄問: 點解媽咪淨係帶返學, 唔帶我放學既?
我答: 媽咪要返工, 放工都已經5:30啦, 如果要接你放學, 你咪要係學校等媽咪到5:30lor, 好夜wor. 所以媽咪只可以帶你返學炸..點解你唔問嬸嬸唔接你放學既?? 或者麻麻呢?
澄澄笑: 下次啦.. 下次媽咪接我放學啦...
我答: 好啦..下次啦..

到學校門口, 見到同學仔的媽咪
xx同學仔的媽咪 : 澄澄媽咪, 我想同你講, 澄澄放學之後好累, 佢係咪好夜瞓?
我答: 佢9:00上床, 要9:30先瞓得著. 不過, 佢細個夜晚要睡12小時, 所以宜家得10小時, 有點累.
同學仔的媽咪 : 哦..我見佢好累, 所以同你講炸..
我答: 唔該晒

於是昨晚回家, 我問澄澄
我 : 澄澄呀, 你返學好累既咩?
澄 : 唔係呀
我 : 但係xx同學的媽咪同我講, 你放學就要伏係姐姐到瞓wor
澄 : 哦, 我琴日累, 今日已經唔累啦...
我 : 咁點解你琴日咁累既?
澄 : (唔答我, 轉移問題)今日呀xx(個位家長的女兒)喊呀...佢都好累啦..

明白晒!!

原來係咁

2009-09-03T16:51:00.002+08:00

澄澄,

昨天因為妳放學後不開心, 媽咪竟然想了一大堆人生道理. 想起都感到可笑!

原來妳不開心的原因很簡單, 妳只是想媽咪陪妳回家, 陪妳吃午餐, 陪妳講故事.

就是今天, 放學時, 妳再一次由開心到不開心的情緒, 讓我注意妳. 妳嚷著要抱, 我起初以為是因為妳疲累. 我說: 可以, 不過出到校門就要行. 妳縱使不肯也點頭答應. 跟著, 妳低頭問我, 媽咪, 妳去哪兒? 我理直氣壯的答: 媽咪要返公司. 妳說: 唔好! 同我一齊. 我心神領會, 便笑著回應: 下, 妳想跟媽咪返公司??? 妳的嘴角也笑起來. 我再說: 媽咪要返公司就好似澄澄返學校一樣, 因為澄澄仲未習慣返學, 所以這個星期媽咪陪著你上學, 但是, 下星期澄澄就要自己返學, 好似媽咪自己返工一樣. 妳開心是因為知道媽咪明白妳嗎? 我們是一樣的, 我們的心是一起的. 我特意抱住妳多走一段路, 因為我要妳知道, 媽咪是愛妳的, 雖然要分開一陣子, 但心仍愛著妳的, 不要不開心了. 明天我們仍要笑著回家喔!

一舊雲的媽咪

心理準備

2009-09-02T13:06:00.000+08:00

教小朋友有一樣必學是: 凡事要給小朋友有足夠心理準備!

澄澄很細的時候, 因為會每星期都會探爺爺麻麻或是公公婆婆. 所以, 我通常早一天會跟澄澄說好明天的行程. 好讓她有十足的心理準備, 減少她鬧情緒的機會. 由於日日如是, 她現在早上會問姐姐, "姐姐, 今日我地去邊到?" 姐姐都會如實相告. 如果那天是星期六, 我又沒有跟她說去哪兒, 她就問"媽咪, 我地今日去邊到?" 我反問, "妳想呢?" 她便說 "係屋企到!" 足夠的心理準備, 真的讓澄澄情緒穩定, 也讓她學習能力得以提高.

昨天說好了, 今天媽咪帶返學, 就好像昨天一樣.

今天, 姐姐叫澄澄起床. 姐姐說要返學了. 她懶床一下, 就起身洗面換校服食早餐出門口. 上到小巴已是10:03, 離上學時間不到半小時. 心想一定遲到. 澄澄坐在小巴上, 比昨天開心. 差不多到學校, 水靜河飛, 澄澄也覺得怪怪的. 因為與昨天不一樣. 到了課室, 看見同學, 笑了!! 很積極地上課, 活像一個學生了! 放學後, 同老師說再見後, 由側門出. 唉!! "閉"傢伙!! 澄澄出了門不開心, 因為不是正門出喔! 沒有心理準備下, 她就不開心. 問她為什麼不開心, 她說不出.

其實有很多時候, 我們都是活在毫無心理準備下. 就好像, 突然的天災, 突然的下大雨. 如果在沒有心理準備下, 我們會不自覺的變得不開心, 有時甚至感到有壓力. 小朋友也一樣. 可惜, 我們不是先知, 不能每事預知, 所以我們要接受突如其來的變化. 學懂面對它. 如今教識了澄澄凡事都給心理準備原來不足夠, 細心想, "變幻才是永恆". 正如媽咪都不是一生一世也伴著她成長一樣. 是時候教她, 當我們要面對不是預期的環境, 不開心是可以的, 但不可以沈溺. 日子是要過的, 開心快樂面對人生才是正確.

有天, 真的有一天, 媽咪要回到天父那裡去, 不開心是可以的, 但不可以太久. 因為人生是這樣的: 生老病死. 不要為了必須經過而不開心喔!

今天運動裝出場!!

媽咪都係陪你番學

仲有姐姐呢!

新一天, 又是人生的新一頁

2009-09-01T13:51:00.004+08:00

澄澄今日第一天上學, 自己要背書包, 自己要穿鞋, 問她要不要上洗手間才上學? 她說: 學校有的, 一陣回到學校才去. 坐在小巴上, 心情很緊張, 緊張一陣會遇上什麼老師, 什麼同學. 小巴到了火車站, 終於看見同學們, 她很開心, 大家都穿上同一套校服, 好像有了伴似的, 心情也輕鬆不少, 然後對著我說: 媽咪, 今日我扮princess. 事實上, 妳在媽咪心中從來都是princess 啦!

在課室中, 老師紛紛叫著妳的名字, 不是因為特別好記, 而是因為妳在暑假已經上過她們的summer camp. 老師認得妳妳並不感特別開心, 反而當老師問妳, 我是什麼老師時, 妳答不上, 只是顯得靦腆及幾分尷尬. 妳環顧四周, 看看有沒有相識的同學時, 妳大叫monica, 她就是在summer camp認識的同學仔吧! 之後, 發現原來後面那位男生, 就是上嘉德麗的pg時認識的伴兒, 妳點點頭, 然後一聲hello. 很cool耶!

放學後, 媽咪要上班, 而妳就很開心的跟我道別. 我知, 妳一定好滿意自己的表現, 一定好高興自己可以應付上學的事, 是呀, 媽咪相信妳, 一定會做個開心的playgroup生. 好像昨晚我們一家人為妳上學的事向天父禱告一樣: 求天父賜妳有勇氣, 有愛心, 有禮貌去認識不同的老師和同學! 妳做到了!!

妳的型像顧問, maria姐姐.

知啦.. 大個女啦.

穿起校服的女孩

itch??

加油!!

妳偷影媽咪

書包好大呀

如果可以同bear bear一齊返學, 妳肯定好開心

媽咪同妳的合照

在學校前的上學照

萬事起頭難

2009-08-28T10:23:00.005+08:00

放下書本近3年的我, 又學始埋首於功課與溫習的日子. 可憐的我, 從來不是讀書的材料的, 卻要斷斷續續的讀讀讀. 如果只是讀是沒有什麼壞的, 但是那裡來的功課, 真教人討厭至極!! 5000字的隨筆, 累我要忙足一星期. 病就是固然的, 但沒想到可以病足2星期, 現在還未好.

一開始報名, 就打算自修. 因為澄澄還需要我陪伴的, 如果每星期兩晚不在家, 心裡不好受. 好像沒有時間和澄澄一起, 媽媽沒有足夠時間陪伴孩子成長的, 心裡不期然會產生一份內疚感. 自己已經要工作了, 現在又因要進修, 不能因此就要犧牲陪澄澄的時間. 所以自修是最好的選擇. 可惜, 每件事是不會依我心所想而行, 什麼"事與願違", 最近深深明白. 排山倒海的課程, 不到兩星期要交的功課, 我唯有選擇上學去. 沒有老早認識的同學, 上堂便成苦差. 課堂中的來電, 開心有人等我回家, 但不開心未能完成一整堂, 就要匆匆歸家. 我早說沒有相熟的同學, 所以問功課攞貼士, 都沒有了. 什麼也要靠自己, 可想而知, 我讀得多辛苦.

讓我歡樂一點, 是同事們的鼎力相助!! 我說功課怎樣困難, 她們都說不難, 還教我怎樣做呢. 如果沒有這些同事們的打氣, 我想放棄是最直接我可以做到的.

而澄澄在這時候, 也扮演十分重要的角色. 因為她也正在學習畫畫, 看著小小年紀的小畫家, 不慌不忙的拿要畫筆, 在沒有認知的層面, 也盡力做到最好. 作為她的媽媽, 是不是要加倍努力以赴, 走出此刻的困境, 活出永不放棄的精神呢?

萬事起頭難, 如果沒有開始, 又怎知終點的明媚呢? 什麼也沒有捷徑, 做人讀書都一樣, 知道麻澄澄, 要緊記喔!!

多謝姑姐的悉心教導, 他日成材的, 定必報答!

是澄澄讓我知道, 年紀不是問題, 問題在於你的心在那裡.

做事認真是做人應有的態度!

媽咪加油, 澄澄加油!!

在此特別勉勵將會再讀書的舅父仔同ee啦!! 你地都要加油呀!!

孩子的祈禱

2009-07-29T23:37:00.003+08:00

今晚不能不寫這篇blog.

因為今晚同澄澄玩耍後, 她這樣禱告:

「感謝天父, 賜我公公, 求主賜.....健康....奉主名求, 阿門。」

「感謝天父, 賜我舅父, 求主......工作.......開心......奉主名求, 阿門。」

「感謝天父, 賜我婆婆, 求主......工作....賜.....健康......奉主名求, 阿門。」

仲有無呀? 無啦..我要瞓啦!!

我和迪迪尼有個約會

2009-07-20T22:24:00.006+08:00

我沒有什麼多, 只有親戚多. 親戚多的好處是什麼都一堆人, 無論咩日子, 都不會悶. 只要你開聲, 仲有一個半個親戚係你佐近. 有時還有小小jetso事, 今次jetso事是我們一家人可享一天免費遊迪迪尼. 由澄澄生日講到放暑假, 終於成行.

我們等nelson哥哥來時...

入到去..恩恩表e..好有愛心地問澄澄要那張入場ticket..其實澄澄n咁多個表e都係好喜歡小朋友, 佢地得閒都會搵澄澄玩嫁.

這個就是恩恩表e..如果唔係恩恩表e幫手..都唔知幾時可以來迪迪尼啦..

入到去, 第一時間e肚先.. 原來這裡有中式酒樓(美心)...佢個奶黃飽印有mickey樣..

澄澄勢要一口咬落..mickey到..

今期icon..士迪仔

澄澄的至愛..buzz

must玩item

我們今次收穫...真人buzz..

睇真d..澄澄有d驚..不過扮無野

涼快夏日

2009-07-19T22:53:00.000+08:00

解暑方法一

爽爽爽...

kiss kiss kiss

水水水

沙沙沙...

天才測試

2009-06-23T18:58:00.001+08:00

(綜合報道)

(星島日報報道)從電郵中收到一個有關「你是否天才？」的測試。以下的一段文字，你只可以從頭到尾看一次（要誠實！），還要快，然後找出文中有多少個「F」字。來吧，開始！

　　FINISHED FILES ARE THE

　　RESULT OF YEARS OF SCIENTIFIC

　　STUDY COMBINED WITH THE

　　EXPERIENCE OF YEARS

　　如何？有多少個「F」？

　　若你只看到三個「F」，現在請再看一次，答案是六個「F」。所有的「OF」都看漏了嗎？據說，人腦無辦法處理「OF」，不可思議吧。

　　若你能看出六個「F」，你就是一名天才，恭喜你！

　　若你一個「F」也沒看出的話，不用灰心，將勤補拙吧，希望在明天呀！

　　dicky.lau@singtaonewscorp.com

　　(館長有 Say)

Sing Tao Ltd.

注意：Yahoo! 會在此收集個人資料。想了解我們如何使用你的資料，請參考我們的私隱政策。

Sent from my iPhone

Yahoo!香港提供網上安全攻略，教你如何防範黑客! 請前往 http://hk.promo.yahoo.com/security/ 了解更多!

父親節快樂!

2009-06-21T10:07:00.002+08:00

記得有位父親同我講: 每日同亞囡玩既時候, 就係最enjoy同relax, 就算返工好辛苦, 返到屋企見到亞囡開心, 我就會好開心.

其實, 做囡囡既. 見到爹d很用心陪自己玩, 哪有不樂透呢? 在youtube找到這個短片, 父親, 你知道嘛?

游泳班

2009-06-15T18:23:00.003+08:00

夏天到了，第一個任務要澄澄學游水。在網上尋尋覓覓，終於找到一個不錯的亞sir.

原本小小怕水的澄澄，經過大家的鼓勵，一次比一次做得好. 最開心是她們四朶金花+表哥表妹可以聯誼聯誼. 學游水不是重點, 重點是下課後, 大家一起玩水的時光. 個人覺得, 在歡樂聲成長的小孩, 不用很努力學什麼, 也很易學懂的. 人生真的不用太認真!

自己吃飯

2009-06-04T10:35:00.000+08:00

講出來都有d慚愧. 澄澄一直食飯都比較差, 細個個陣好似練仙咁, 食兩啖就唔食, 但件頭都有返咁上下, 我地都無迫佢食, 費事傷和氣. 到2歲, 有一次離奇連續發燒之後, 佢個胃好似開了一樣. 可以吃到一餐飯. 身為媽咪既, 見到亞囡可以有d食慾, 都會不期然咁, 餵下一啖, 餵下又一啖, 之後, 就餵到佢食一碗飯, 亞媽個心就會好滿足. 就係呢種滿足感, 攪到亞囡每次食飯都要我餵. 但係亞爹d就好不滿亞囡咁大個都唔識自己食. 係既, 澄澄都大個啦, 食係人生最基本的, 如果自己都不能做到. 呢種咪就係父母寵壞囉! nonono... o 係亞媽自己寵壞啫, 唔關爹d事.

其實, 我唔餵有幾難呢? 難就係難在做亞媽既, 個個心都係軟呀嘛! 見佢自己食食兩啖又唔食, 唔知佢飽唔飽. 拿..呢d就係婦人之仁. 一字記之曰: 忍! 係呀. 要忍得住囡囡食飯係咁慢, 要忍得住囡囡食飯係咁dirty, 忍得住囡囡食飯係咁淨食餸唔食飯, 忍得住同枱食飯的會話你個囡乜咁又咁. 如果做亞媽連少少忍心, 忍耐, 忍受都無.....係咁....唔洗幾耐, 我聽得最多只會係.........."慈母多敗兒".......呢句經典名句.....呢句說話真係好毒, 因為佢一邊讚你係慈母...可惜...你唔識教呢!! 簡直寸得可以, 雖則我生個個係女, 呢句唔會咁易apply到係我身上, 但唔贍保有朝一日, 我有個仔嫁麻....well...所以我都係要出力將亞囡教好d才是.

好了, 為求澄澄可以自己食飯, 所以在吃飯時, 我專攻澄澄的弱點, 佢的弱點是最錫我呢個亞媽. 內容是這樣的:-

媽: 澄澄呀, 今晚自己食飯.
澄: 唔好, 我要媽咪餵.
媽: 係呀你鐘意媽咪餵呀, 但係媽咪鐘意見到澄澄自己食飯多d wor.
澄: (唔出聲)
媽: 澄澄自己食飯, 媽咪見到會好開心.
澄: (開始自己用匙食飯)
媽: (用極誇的表情) 嘩, 澄澄你好叻, 自己食飯, 媽咪好開心, 你食完飯, 媽咪俾個hug係, 好無?
澄: (好開心)好呀!!

就係咁, 澄澄展開人生自己吃的旅程. 我做媽媽的, 又突破心軟呢個死症啦...

誠實最可愛

2009-06-03T09:29:00.002+08:00

係, 唔記得同大家講, 最近在基督教教育研究院, 上了一個幼兒道德成長與宗教培育的課程. 一連7個星期五趕返學. 一心只想擴闊自己對這方面的知識, 沒有想到最後兩堂, 對自己及澄澄的屬靈生命有著很深的啟迪. 最後, 我們同學分組要交一份功課. 我們選了"誠實"做題目. 而我就做兒歌一part.

歌詞是由世豪, 亞妹同亞龍想出來. 歌曲就是世豪作的. 至於我, 就淨係叫小朋友唱, 然後做後期製作.

在此, 特別推介一個超正的program. 叫Simplified Universal Player Encoder & Renderer = super(免費軟件). 就係呢個program, 令我一個鐘頭可以做好起貨, 超正!!!!

下面呢段野, 係我係yahoo knowledge到搵返黎, 解釋得好好, 跟住做就ok.
1)先去http://www.erightsoft.com/SUPER.html；
2)轆到最低，你會看到Start Downloading SUPER ©，進入；
3)轆落一點兒，你會看見download and use，進入；
4)落到最低，你會看見
Download SUPER © setup file
Download SUPER © from official site (1/2/....) ；
5)click入Download SUPER © setup file 就可以開始下載。

未交功課, 都upload俾你地睇先.

網頁推介

2009-05-19T10:16:00.002+08:00

最近不愛打blog, 因為迷上了...iphone & 金庸. 這兩樣看似風馬牛不相及的, 卻是我近來湊女後得意之作. 「湊女」的主要工作是, 要好好照顧家中小孩, 唔準睇電視, 唔準玩電腦, 如果有豆沙咁多時間要教孩子認知, 體能, 社交技巧等. 如果「湊女」湊得pro, 應該個女會變大長金咁, 唔單指出得廳堂仲入得廚房, 仲要係家喻戶曉的人物..總括「湊女」是一份忙到沒有自己私人時間的工作. 所以呢, 我回到家裡, 就是我另一份工的展開. 想有私人時間, 我就會自己想法子製造. iphone可以上網, 處理我日常事務. 至於, 金庸..令我可以回到追劇的感覺.. 哈哈..所以, 別怪我沒有打blog, 因為我在追看郭靜與黃蓉.

我真係覺得寫blog係要靠互相激勵, 才可以堅持. 有心仲要有時間. 我所用的速成打字法, 真係好渣. 如果要我手寫我心, 我想要等十年八年才行. 耍我寫一篇, 唔該3個鐘. 但我識得一個, 有心有力的傢伙, 佢打倉頡的功力, 有如地盤佬攞電轉一樣, 毫無難道. 佢的blog是新開的, 得閒就去睇下, 我信佢唔會好似我的blog一樣...無枓到...

http://www.joshuacarolby.com/blog/big5/?p=63

慢吞吞太曼之旅五

2009-04-10T17:02:00.000+08:00

食完我們至愛的冬陰公打邊爐...

就見到澄澄的friend

剛剛瞓醒

我地搵個外籍人士幫忙拍大合照...可惜, 佢以為左手面背向鏡頭的是我們的團友, 係都要影埋佢!!

我們坐泰國時間8:55pm機.

回來香港是12:05am...

今次玩得好盡..太盡啦!!

慢吞吞太曼之旅四

2009-04-03T17:15:00.008+08:00

最後那天, 我們到了一個siam水族館. 由於是在水族館的關係, 所以影相有一定的難度!

唔flash, 就會好黑

flash, 就會好光

澄澄...太光啦.

唔肯睜開眼..

同媽咪影都係咁..

同麻麻婆婆影, 就正經d

後面個水族箱..好大

d光曝到唔知..同爸爸影咩魚..哈哈

呢張好d..不過...究竟後面個條係咩魚呢???

溫馨之侶

有板有眼擺post

除了香港外, 到到都有企鵝....

這裡有一個bb playgroup....唔知點解水族館有個bb玩的地方, 之但係都係大人可以休息一下的最佳時候.

這個水族館最正係有美人魚出現...之不過, 他們的劇場全泰文??? 這個是美中不足之處

一個場景, 幾種姿態.......

有優雅的

有賢淑的

有溫馨的

有肥美的

有大吃棉花糖的

有twins的

有迷你的....

不過...沒有一個很美的...

團友到此一遊

請問黑色人係邊個呢?

慢吞吞太曼之旅三

2009-04-03T08:16:00.007+08:00

今日我地好醒.. 因為我地一早係香港book定架van仔去四周遊覽. 價錢都幾貴, 要hk$900/10hours.

原本plan的旅程, 感覺有點悶. 於是, 我們就改去小朋友至愛的farm到玩. 係呀. 我去咁多次, 都唔知bangkok有個farm. 呢個Farm Chakchoi, 由hotel去, 大約2個半鐘. 因為係要去另外一個省的. 原本我們俾的$900, 個agent話唔夠. 所以要收多hk$100. 即係$1000車費, 6大1小. 但係入場費只係b$250.

很臭呀...

上了車, 就出發圍farm遊

點解婆婆掩面呢..因為有太多flies啦..

你睇影相都唔張開口..你就知幾多flies..

睇cowboy表演, 澄澄都話自己係cowboy..

麻麻很有耐性話比澄澄聽cowboy做d乜

cowboy表演, 都幾好睇嫁...我們很開心耶

呢隻馬好似真咁, 會動的.

澄澄自己騎馬. 好威wor..佢返到香港, 成日話自己騎過馬...

麻麻拉頭馬

公公&婆婆又係拉頭馬

坐馬車, 澄澄係cinderlla啦..

佢地望d咩呢

原本狗仔趕羊. d羊真係好攪笑

呢到d羊d毛好長..

澄澄很開心, 因為見到好多動物.

第一次餵小動物吃, 心情緊張

有d驚

不過, 好快就喜歡啦..

澄: 鹿鹿..你要食咗先得嫁..唔係澄澄姐姐唔比你..

澄澄係到做咩呢?

好叻咁..自己餵牛仔飲牛奶..

澄: 你唔好飲得咁大力啦!! (攪到澄澄都企唔穩啦...)

見你地飲得咁開心.. 我又飲先..umm..milk..好好味!

澄: 呢d係澄澄姐姐嫁, 唔係你地嫁! (唔好牛咁眼望我wor)

我地玩完個farm, 已經用了2個半小時. 之後, 我們在場外嘅chok chai steak hut 食非常fresh兼好好味的steak. 同埋買手信.

我們個個真係玩得很開心及有一個不一樣的thai trip難忘嘅经歷. 下次同小朋友來, 一定要再來這個farm chakchoi呀. 我們回程返酒店嘅路上有, 葡萄園、粟米園、factory outlet, 沿路有新鮮栗米及熱粟米擺買, 好甜,好好味. 新鮮葡萄汁超好喝, 正! 不過, factory outlet就麻麻地.

我沒有時間寫咁多關於Farm Chakchoi 的資料, 不過, 這兩個web已經寫得很好了.
http://www.thailandfans.com/forum/viewthread.php?tid=39452&highlight=%2Bdavit
http://www.thailandfans.com/forum/viewthread.php?tid=39455&extra=&highlight=%2Bdavit&page=1

慢吞吞太曼之旅二

2009-04-03T05:36:00.001+08:00

行程的第二天, 我們好像很得太陽的寵愛, 因它今天照得特別猛. 旅行必備的防曬品, 我們全都塗上或戴上了, 因為我們今天要往翟度翟去!!

我們有小朋友的就去翟度翟後面的Children’s Discover Museum. 這裡的收費是b$175. 平!!!!

這個museum有不同section. 有戶外, 有戶內.

我們梗係入戶內玩啦..出面熱呀麻...

這裡有點似香港的科學館. 但這裡人不多. 所有要玩要看的, 都不用排隊.

點解我淨係影到澄澄的背面, 因為她對所有野都好好奇, 沒有一刻俾機會我影到佢正面.

這張一定要說說, 因為這裡是媽媽的肚, 澄澄bb就係住係媽咪個肚啦. 可惜, 有好多都只係寫泰文, 有時要估估下. 先知個個展品係咩野.

2/f, 展出很多不同地方的住所.

有日式

有冰屋

有傳統泰國人的空中屋企

澄澄去邊呢?

坐火車是也.

這些不是晒咸魚, 而是泰國人的樂器

什麼也玩一餐, 這些樂器, 給她們搬來搬去..

澄澄玩手偶

還有泰國傳統玩兒

3樓有個studio, 係俾小朋友扮上電視

佢地兩個除了鞋, 係到玩.

佢地望到自己係電影到fly....

跑車都有得玩..

我們在翟度翟吃的炒雞飯.. 好好味呀.. 雖然熱到我們無晒胃口, 但呢餐一粒飯都無剩.

食完飯, 澄澄已經累到不得了..很想很想睡.."亞女, 你唔好睡呀, 我們還有一個show未睇"....我們遲了20分鐘才入到個hall, 有兩個操流利的泰國人係到同小朋友玩....佢地好似好開心, 因為一問一答, 又有禮物. 但我地呢d異國人, 人地問你又唔係, 同你講你又唔知. 我地感覺有d入了騙局...心想: 總之返酒店游水好過.

音樂響起, 有什麼使你這樣興奮?

手舞足動的你

看來, 你真的很投入wor..

哦....原來是一群不知名的cartoon..

及老遠的princess..

原來無聊的你, 有時還會自娛..自拍肥腳

看完表演, 我們都溶了..還好, 這裡有水水sir滑梯, 我們開頭以為是給小朋友sir..後來, 發現是玩具才可以sir噢!!!!

天氣真係好熱, 要玩玩水降溫.

最後, 累到死的我們, 想回酒店小休. 回程時, 兩隻小魔怪不停在taxi說話, 又笑又唱, 叫她們睡一會, 凱晴不肯. 因為她要在酒店游水喔!! 原本相約凱晴一家游游水, 可是一回到房間, 澄澄說: 媽咪, 我想睡覺, 不想游水. 好了, 我們可要睡它兩小時喔! 之後, 再出發找其他的貴人. 其他貴人去了哪?? 之唔係thai spa之麻.. :-(

我們去了魚昌吃日本菜.

這個只是b$1600..

慢吞吞太曼之旅一

2009-04-02T10:38:00.003+08:00

我們受夠了!!! 在這個乍暖還寒的日子, 想穿短tee透透氣, 氣溫卻降回17/18度...激氣!!

來一次慢吞吞的旅程, 給我們熱烘烘的陽光!! 可惜, 上網check天氣...曼谷, 有雨及幾陣狂風雷暴!!!! 天呀....貴人出門招風雨, 自古有之...我想向天大叫: 我> 我> 我不是貴人呀!!!!! 不過, 由於未能肯定我們的團友有無一個或半個是貴人囉..所以放棄大叫!! 那些疑似貴人有: 婆婆 & 公公, 麻麻, ee & echeung, 澄澄 & 媽咪.

我們為了慳得一蚊得一蚊的信念. 所以, 今次坐uo去曼谷..咩叫uo?? 我都係今次先知有間叫hong kong express的航空公司, 簡稱ufo無咗個friend..uo!! 其實都係唔好意思講個特惠價出來..總之包埋tax, $1400有找. 真係抵到呢...呢個價係親情價!! 至於, hotel呢, 經過ee上網5-6個鐘頭, 得出來的結果是...$620晚的grande centre point. 呢間hotel, 不用多說, 一個字: 正!! 無論地點, 環境, 設施是我住咁多次曼谷最舒服的. 當初說$620, 我都以為是五流貨色. 但一入lobby, 我就知我們的選擇是正確.

我們第一個行程是去半島食魚旦河~ Provence. 湯底好好味, 有幾好味我就唔識講.. 不過, 好味到食晒先記得要影相lor..

之後, 我們在林真香上滿銀彈, 出發往siam...路是由人行出來, 真的不假. 4點的西斜, 帶點悶熱的天氣,一條人來人往的天橋, 6大1小的貴人, 用"掉極力指"的塞車速度, 一步一步走到siam paragon/sima centre. 看似完成壯舉, 原來只是為了一杯凍檸茶&單骨雞翼.

在siam centre打個轉, 等埋凱晴一家, 我們就來到Ban Khun Mae食泰國菜. 凱晴一家早我們一天出發, 又同樣住在grande centre point, 所以, 我們有時一起活動, 讓2個小俏皮可以有個同伴玩玩. 由於, 我們的肚子已半飽, 我們並沒刻意給這間泰國菜評分, 但所有食物沒有吃剩. 好唔好味, 真係要親身試過至知, 但下次我會再食lor. 之後, ee話附近有間食mango好好味, 最啱在此食dessert.

夜己深, 小女孩都係時候回酒店休息. 剩下婆婆 & 公公, ee & echeung再戰"魚翅粉絲煲".

計計數, 我們下午6個鐘, 食了4餐, 有人食了5餐. 究竟是我們是餓過頭, 定係唔知飽. 我寫都覺得飽到嘔, 我們不是貴人, 應該是餓個鬼lor..

Provence
Location : 半島內

Ban Khun Mae
Location : Siam Square, Novotel酒店對面

沒有忘記

2009-02-23T22:14:00.002+08:00

怎能沒有記錄你的生日呢?

送上最深的祝福!

這樣長大

2009-02-07T23:04:00.001+08:00

1月1日09年

澄澄..你們是這樣長大的.....

我們這一cell

1月1日下半part....張's party

媽媽同爹d是這樣長大的...

一家人嘛!

2009-02-07T22:49:00.001+08:00

12月22日做冬

我更新了

2009-02-06T21:57:00.000+08:00

或許沒有文字的記錄, 讓你們有空間想想我們當時的心情..

12月20日08年

12月21日08年 ~ 少女的祈禱

12月21日08年 ~ 雷達山之旅

生有時, 死有時.

2009-02-05T10:28:00.001+08:00

親愛的弟兄姊妹,

我的公公在剛剛的年初六在醫院過身. 現在媽咪的家人都忙於辦理公公的身後事. 因為公公年事已高, 已87歲, 所以, 各人的心情大致平靜. 我們唯獨擔心婆婆的健康. 這幾天, 婆婆說睡得不好, 求主讓婆婆有健康身體, 心情安好.

由於, 公公沒有宗教信仰, 家人會以道教形式舉殯.

最後, 多謝大家的關心. 祝各位新一年, 主恩滿溢!

主內,
ting

台灣遊記4

2009-01-21T23:36:00.003+08:00

最後一天, 我們在酒店吃豐富的早餐

是時候走了....

迎風....回港

台灣遊記4

2009-01-21T16:14:00.000+08:00

今日特別安排往台北市立動物園 , 全票60元台幣. 非常之低!!!

同巨龜影相.

再同企鵝影. 在香港, 很少見的動物這裡都有喔!!

去完動物園, 我們說一定要食台灣的麻辣火鍋. 去哪間才好呢? 我們駕車經過鼎仙麻辣鴛鴦鍋蓋. 就這間, 唔洗煩.

起初, 我們擔心澄澄可不可以吃火鍋? 會唔會太辣, 我們會否應付不了? 食物會否新鮮? 原來沒有期望的, 卻是最好的. 這兒下午是任吃時段, 她們買的是新鮮及頂好的材料, 不會將貨就價. 就連雪糕也是movenpick. 吃完10成飽的肚, 我們還要吃下這杯雪糕. 死未.. 澄澄也不執輸, 吃了很多. 哈哈!! 全場只得我們, 我們吃得盡興, 講得盡興. 可惜, 我們沒有帶相機入內拍照.

之後, 我們就往北投的麗澈楓漾嘆我們的溫泉酒店!!!!

大!! 比偷情酒店大!! 可以叫它大婆酒店, 服務好到加零一. 不過, 洗手間的佈局就麻麻..沒有空間放自己的化妝袋.

勁嘆溫泉

台北市立動物園 : http://www.zoo.gov.tw/index.asp
鼎仙麻辣鴛鴦鍋蓋 : 台北巿松山區光復北路12號
movenpick : http://www.movenpick-icecream.com.tw/
麗澈楓漾 :

台灣遊記3

2009-01-20T14:53:00.010+08:00

經過一番商議, 我們決定租車遊台北.

吃過MINI版的早餐, 我們一同坐捷運前往租車公司-艾惟士租車公司.

我地呢D謹慎王, 當然問左問右, 有影前影後. 我們還租了一部可以當自己係本地人的GPS. 真係好好用!

出發!! 我們第一站..淡水

很喜歡淡水有很多懷舊物. 有小時候吃過的糖果及亞媽年代的玩具. 四周有很多玩具店, 手信商店, 還有食店. 我們買了又買的墨魚燒(花枝), 很好吃. 我貪其香口, 澄澄也愛吃呢. 我們又試了很多地道美食.

澄澄正在吃亞婆鐵蛋.. 如果用色香味評分, sorry.. 一定唔係合格個隻lor..

不知是不是叫漁人碼頭呢????

他們去到邊, 玩到邊..

也有澄澄的份兒!

我們在淡水的公園散步.

之後, 我們由淡水去了..三芝...石門...金山....野柳..從基隆回到台北.

回到台北已經是6時有多..我們的肚只是盛滿駕車遊台北市郊的喜悅, 實質放在肚內的東西不多. 所以我們今晚決定吃餐好的...台北有這麼多的選擇, 我們選了高記. shumshum曾經吃過, 說味道不錯; 而我由聽聞這間比鼎泰豐好吃. 所以, 一於試一試.

我們今晚不用吃2成飽, 可以盡情吃, 只要留肚吃鼎泰豐的小籠包就可以啦. 我們點了很多菜. 但我們發覺一點都不好吃. 你知嘛, 如果係香港吃下不好吃, 最多下次不再去. 但去到外國, 如果去到一間唔好吃的舖, 個心會定住定住..因為今餐quota用了..唔知幾時個肚會餓, 可以食下一餐.

食到9成飽的我們, 還要往鼎泰豐吃它原裝小籠包. 味道ok, 但小籠包王說金煌庭好味好多......

失望....10成飽的我們唯有四周圍行行走走---> 永康街!!

永康街一帶很像日本. 我們很喜歡那兒的公園, 有很多太太在那兒跳舞, 很有feel呢! 我們行行下, ee很想吃牛肉面, 她在guidebook到找到有一間就在附近.

其實我們發現台灣美食並不是什麼驚天動地的絕世菜色, 已經再沒有興趣再試... 但既然一場來到, 就吃一口牛肉麵. 嘩嘩嘩嘩嘩x1000000000....好好味呀.. 我地咁飽, 個個開頭唔想食..到食晒..真係十個讚!!! 好味!!! 呢間牛肉麵就係永康牛肉麵. 佢對正金華國小, 等位悶時, 我們同澄澄去了裡面玩了一轉..都ok嫁wor.

艾惟士租車公司資料 : http://www.svs-car.58168.net/e-new88/www/myPage/p/cgi-bin/view.cgi?id=MP050627000003
高記 : http://www.kao-chi.com/main.htm
鼎泰豐 : http://www.dintaifung.com.tw/ch/index.asp
永康牛肉麵 : http://www.beefnoodle-master.com/sendus.html

台灣遊記2

2009-01-14T00:31:00.008+08:00

我們下了機, 第一站去柯旅天閣台北南西. 那兒是我們第一, 二晚住的酒店.

我們book了酒店車前往, 可笑的是我們到達了南京西路, 司機卻沒法識別座是柯旅天閣?? 我們三位猛男慌忙下車尋找. echeung回來回報...前面就是那間偷情酒店. 偷情酒店??? 什麼??? 我們有大有細..什麼偷情酒店呀??? 全黑的裝修, 透明玻璃的浴室, 很細的房間, 叫它偷情酒店不失為過. 由於, 它是那種很有style的酒店及details都用上高級貨, 就算是偷情, 也很有格的!! 它很近捷運, 只是30步就到中山站. 而每晚的價錢是很合理(約hk$800), 所以我們都覺這間偷情酒店很ok. (註:人地唔係真係偷情酒店呀, 只係我地覺得炸!地道人叫它為休閒旅館.)

放下行李, 我們便往前肥屋吃我們的第一餐晚飯!!

我們六時多去到前肥屋, 要等位, 但等了5分鐘就有位了.

他們很把握時間搵$, 未坐好, 就已經要我們order了.. 那個亞嬸很惡咁..

我們order的分量很少, 因為按照shumshum & ee的意見, 我們今晚有排食, 所以今餐只可以食兩成飽. 我地掛住食, 都唔記得影相, 食咗乜都唔係好記得. 個客鰻魚飯, 味到ok. 但我又唔係覺得好"嘩"個種lor.. 咁你燒完即刻食就緊係好味啦....

食完之後,

我地見到八方雲集, 呢間野開正echeung個番. 係食餃子. 佢話香港都有, 不過就無咁多口味..

食下食下..都有6成飽..我地就去士林夜市行下街, 食下野. 係呀..係再食...

我地坐捷運去.. 都好快就到..士林好似廟街..不過d野食就不是我們那杯茶..但都食了胡椒餅咁..

總之...一句啦...我都係鍾意正正經經食一餐, 多過周圍食..

返到偷情酒店, 澄澄都好累啦...

柯旅天閣台北南西 : http://www.thetango.com.tw/TaipeiNanshi/JP/tango.htm
前肥屋的介紹: http://www.taiwantalker.com/article.php/115
八方雲集: http://yes.ipe.tw/

台灣遊記1

2009-01-13T15:35:00.006+08:00

我好像未曾寫過遊記, 我怕自己寫得悶, 會嚇怕街坊. 但是這次的聖誕台灣遊, 真的很開心. 我很想記錄今次的旅程, 也讓記憶嘗未成熟的澄澄留下一些片段, 等她長大後, 知道她人生的第一次坐飛機是怎麼樣.

說起這次旅行, 首先要多謝asiamile. 如果唔係我地呢d貪小便宜的, 要o係唔知邊年邊月要用晒d分. 應該唔會造就咗今次的聖誕節去旅行, 你知啦, 旺季去旅行就好似同自己個荷包過唔去咁. 乜都加, 機票同酒店房又無, 總之, 我咁耐都未試過大時大節去坐飛機!! 我地係2008年4/5月就用我地既asiamile積分, 其實主係用echeung & shuishui 既分....唔理大家12月25日有無野做.. 都一定要去旅行...咁點解會係台灣, 一字咁淺.. 因為剛剛夠分換6張台灣來回機票. 其實我地都想去歐洲呀, 美加咁.. 但係無分&無蚊..

開始旅程, 我心真興奮!

來一幅大合照, 未玩已經開心定先..我地六個+澄澄, 第一次呢個組合一齊坐飛機

澄澄第一次近距離看飛機...很大嗎?? 因為澄澄未夠2歲, 沒有自己的位. 所以, 要坐媽咪大脾. 但係$就要照俾. 不過, 只係10% of 正價機票. 由於, 機票是舅父代辦. 人地票務部問舅父: 機票包尿片, 請問個bb著咩碼? 舅父問: 咁有咩碼? 票務員: 有大,中,細. 舅父答: 佢好細粒, 應該係細碼. 票務員: 佢記大? 舅父答: 差不多兩歲. 票務員: 咁不如著中碼, 因為通常差不多兩歲係著中碼or大碼. 舅父答: 都好!!

後記: 舅父呀, 其實呢澄澄是細粒, 不過個pat pat都幾有肉地, 佢係著大碼lor..

坐係經濟客倉.. 我地只可以影到呢d大頭.. 想影後d都唔得..

好快, 我地就到達.....桃園機場.....

不過, 我地要落地簽証, 又要換$, 我地呢d唔洗急, 但是緊要快, 都攪了大半個鐘先出得機場

一場黎到, 影張相先..

我們四日三夜的旅程會係點呢? 湊住個2歲唔夠的人子, 我地攪唔攪得點呢? 呢班完全無plan的六神合體, 會唔會中途有爭執呢??? 下回分解..

私人時間

2009-01-08T22:15:00.002+08:00

忙完工作之後, 最近忙於協調澄澄的作息時間. 我很希望澄澄培養早睡的習慣, 不僅這樣對她好, 也對我自己好. 因為工作以後, 我也想能在平日爭回一點私人時間, 好讓自己停一停, 想一想. 不再每時每刻都為到女兒的事掛心. 其實, 古語有說養兒一百歲, 長憂九十九, 這是我完全明白的. 天下間哪有父母不為兒女的事勞心呢? 但有時侯, 父母自己都想可以"放心"生活, 不再"牽", 不再"掛". 當人心理上可以輕省, 人自然活得快樂. 如果澄澄有個時常開懷的父母, 對她的成長絕對有益! 不用上什麼"怎樣處理家中的脾氣王?", "教你如何正面處理子女的心理問題" 的坊間育兒課程...在這經濟不景下, 我的鬼主意應該為我家慳了不少!!! wakaka.."爭取私人時間有理" yeah!!!

聖誕節之前, 叔叔嬸嬸送來4尺高的聖誕樹. 這件事, 令我同澄澄非常雀躍. 澄澄很高興地掛上飾物!

是聖誕樹太美, 還是澄澄驚奇地可以有棵樹放在家中, 叫她影相, 她的眼只是盯在聖誕樹上.

澄澄以前很怕樹..or 樹枝, 樹葉. 自從有了家中的聖誕樹, 好像不再怕了. 都是爹d比較實際, 問: 買咁大棵樹, 食飯邊到夠位坐, 棵樹自己都霸了成個位!!!??? 同埋之後11個月棵樹擺係邊???????? 係呢..邊個屋企大而又可以放棵樹11個月呢? 我地應承你..一定..一定12月之前攞返!!

變成怎樣

2009-01-07T16:50:00.002+08:00

沒有在這裡update澄澄的近況將近一個月了.....不知道大家有否偶爾想象澄澄現在變成怎麼樣呢?

快將兩歲的小女生, 原來是可愛又成熟的傢伙. 她會激你, 會玩你, 會逗你, 會噯你, 總之, 好像廣告咁講. 要將你的注意力比晒佢.

我們12月的事件習:
1. 聖誕前, 一家人齊齊整整砌聖誕樹
2. 參加張's的bbq
3. 一家人齊齊整整聖誕節去了台北一轉
4. 1月1日狂歡好玩派對 - cell員版
5. 1月1日狂歡好玩派對 - 張's版
6. 食了好多餐冬節飯

雖然, 出面說金融海嘨令人好灰, 港人信心指數下跌. 但我身邊的親朋好友, 不單沒有被洪水沒定, 反之仍然笑口常開. 可能我地係草根下的草苗..金融海嘨?? no way.. 難怪最快樂的城市往往是窮鄉僻壤的小城市. 有個錢同沒錢都係分別不大.. 咁點會唔滿足...媽咪都有講: 人比人, 比死人. 知足常樂也. 有錢人..通常是只有你見到佢好..咁其實有幾好..就好似飲水..自知冷暖. 唔知呢種想發是樂觀定係出於吃不到的葡萄是酸的變態心理呢??? 希望大家都樂觀d面對世界的大環境, 就算真係要節衣縮食來過這個寒冬. 寄語一句: 存活已是最深祝福!

我愛朋友

2008-12-10T00:45:00.000+08:00

最近, 我一位好朋友的家中發生事. 我很擔心她. 很想打電話給她問她怎麼樣, 但不知怎的, 原來關心的說話是很難開口的. 怕問了人家不想說的, 難為了她, 也弄得自己不開心. 她是一位很剛強的女子, 天生愛笑的她, 就群著一樣愛玩愛笑的我們. 以往, 我們不多見, 但一見面總有說不出的話題, 及製造不少"嘈"音. 結果要人三催四請, 別人打洋我們還厚顏再坐一會. 這樣的知己良朋, 我知很難再遇. 今天朋友不開心, 我只會擔心. 真的無用! 電話一定要打過去, 飯局一定再約. 你的事就是我的事喔!

澄澄, 你也要珍惜你的好朋友呀!

親戚來港

2008-12-05T01:06:00.000+08:00

11月份, 我們的姨公及表叔來港. 幾年前, 當我們一家在加拿大旅行時, 接受過他們的熱情款待, 所以今次趁他們再次來港, 怎樣也要好好招呼他們. 某個11月份的星期六, 我們約了往九肚山, 中文大學及大尾"獨"郊遊.

究竟邊個係e公同表叔????

e公/澄澄叫太e公

表叔/澄澄叫表叔公

忙中有序

2008-12-02T00:23:00.003+08:00

我說忙, 是真的很忙那種. 連平時回家上網的時間都只好奉獻給周公. 我沒有抱怨, 因為我很喜歡這team的同事. 和她們做事, 苦差事也變得輕鬆.

說回亞女, 她現在多好玩, 活像一個大人. 你問一句, 她回應你一句. 如果跟她通話, 可以樂透半天(註:係亞媽都覺得自己0個個好玩又攪笑! 所以, 樂透半天純粹亞媽個人想法)

傻妹扮蝴蝶

怎過日子

2008-12-01T09:38:00.001+08:00

沒有相機, 沒有時間, 怎可以寫blog. 脆脆地..少少都收貨吧..12月對我來說, 真的很忙!!

唔記得同大家講, 澄澄已經懂拿chopsticks啦..很像樣的!!

11月最後一天, 我們去了海洋公園.

等澄澄大點, 可以同我一齊玩海盜船..呵呵!!

同行的還有雪姑婆&丈公..wakaka

p.s. 鳴謝: ee send 的相. 可以完成這篇的blog. thanks!!

觀禮事件

2008-11-23T17:15:00.000+08:00

不明白活在香港20幾年..竟然老貓燒so..

我給自己的藉口是...自己很少去別人的教會觀禮...

話說, 我在facebook的人海中, 尋回很久沒見的舊同學s, 得知她要結婚了. 所以, 特意去參加她的婚禮. 她在facebook是寫明3:00pm觀塘浸信會行禮的. 好了, 返完祟拜, 約了cell員s在apm食lunch, 然後和住在觀塘的cell員confirm那觀浸的地點. 我, 澄澄 & marie姐姐, 一行三人準時2:55到達觀浸. 門外出奇地平靜, 心想: 呀..別人的婚禮何其平靜, 不像我們的興高采烈, 還想我們的表達方式是不是太表面呢. 但是, 心裡也想, 會不會去錯地方, 這裡跟本不是婚禮地方? 自己暗笑: 沒可能吧!

我: 請問呢到係咪有人舉行婚禮?
浸: 唔係喎. 你想搵場地?
我: 唔係, 我係參加婚禮.
浸: 你會唔會搵錯教會呢?
我: 呢到唔係觀塘浸信會咩@_@?
浸: 唔係..我地係..觀塘潮語浸信會
我: .....__________

好一個浸信會.. 大到呢..有分潮語唔潮語...

******************************************************

美寶同學:

對不起! 未能參與你的大日子. 在這兒, 祝你新婚愉快, 主恩常在!

你的苯同學@_@

******************************************************

開卷有益

2008-11-19T09:29:00.003+08:00

有次在書局中, 看到一本書很想看, 但怕看後會後悔. 所以, 沒有看也沒有買. 偶然, 在上網時, 看到這篇書評.

"我是一個典型的澳門年輕媽媽。結婚前，已做好計劃婚後只要二人世界，怕煩怕辛苦，最好一個孩子都不要。意外有了第一個寳寳，撫育至今，覺得生養兩個小孩簡直是鐵人媽媽才做得到，自問工作之餘無力挑此重擔，藉口四無包括無錢無力無心無人幫忙照顧。
現在，寳寳兩歲了，已經無法達成媽媽希望我三年抱兩的大計，但現在遇到這本《還好，我們生了兩個孩子》，我視為上天賜給我的明燈，讓我在體力及支援還足夠應付之時，重新規劃生育方向。一個孩子的好處，這兩年我已完完全全體驗過了，不外乎好像由衆多個大人輪流照顧一個寳寳，辛苦時總算有喘息的機會，但一個孩子的壞處，可以從這書中得到不少啟示。
比如書中“生兩個，比生一個輕鬆”一章，便讓人有當頭棒喝之感。因為一直認為照顧一個寳寳已夠累人了，下班回家最想躺在沙發上死死地睡一兩個小時，但現實是只要我一坐在沙發，孩子便會跑來左一句“媽媽跟我玩車車”、右一句“媽媽讀書給我聽啦”，一下子心又軟起來，馬上連滾爬下地板跟兒子玩耍。我想這個時候，如果我有兩個孩子，就可以眞的放心好好休息一會了。孩子始終最喜歡跟孩子玩耍，你以為他們不知道大人長輩是佯裝有興趣跟他們玩遊戲的嗎？非也，只是別無他選而已。書中引述了一個有九歲孩子的父母的話，便坦言很後悔沒為女兒生個伴，致使他們只好認命地陪女兒“玩”一輩子。
而在討論“生一個孩子”的情況時，作者便引述中國專家提出已久的問題：將來孩子又跟獨生子女結婚，兩個年輕人就要負責照顧多個老人家，而年老總是會體弱多病，那時兩個人輪流請假也照顧不來，誰又願意子女將來要獨自承受這些奔波呢？更重要的是長輩有事時，連多一個給予意見商量的人也沒有，孩子們定必更感徬徨無助。
台灣坊間預言這書的面世，可令當地明年出生率提高百分之十。我喜歡給新婚的朋友們送這書，書中除了列舉上述問題、鼓勵人們至少生兩個孩子外，還在書的後半部分仔細講解了很多同時養育兩個孩子的心得。作者給讀者的閱讀指引是：未生兩個孩子的，從頁首看起；已生了兩個孩子的，就倒着看，有近百個敎養心得，很負責任地敎人們如何養育兩個孩子。但請注意，如果因各種不可抗力的因素而無法生第二個孩子的人，作者勸喩切勿看這書，以免徒增壓力及傷感。~ 安喬"

今昨兩天, 看了施老闆的c觀點, 說馬爾薩斯的人口論. 很值人深思. 畢竟, 人多是否好辦事呢? 回望歷史, 我不太相信毛主席的論調. 如果馬爾薩斯的人口論確立, 究竟要不要生多一個, 真的...不要了!

畫劃圖畫

2008-11-13T22:32:00.002+08:00

喜歡給澄澄閒時畫畫, 一幅沒有目的圖畫. 在大朋友眼中看似無聊的事; 在小朋友眼中卻是比世界還要大的國度. 不知道澄澄對顏色的敏感度有幾多, 不知道澄澄對美感有多認識, 不知道什麼是好, 但在媽媽心內, 給小孩子有空間發揮, 就已經心滿意足了.

牙牙學語

2008-11-12T22:27:00.001+08:00

話說媽咪同澄澄返芭蕾舞班, 之前一晚:

媽咪: 明天又可以返芭蕾舞班, 澄澄鐘唔鐘意跳舞嫁?
澄: 鐘意. 見到esther?
媽咪: 聽日見到凱晴炸, 見唔到esther. 返教會先見到esther.
澄: 密尖.密尖.
媽咪: 密尖?? 咩黎嫁? 係呀, 你會著襪, 好靚嫁!!
澄: 唔係呀.. 密尖..密尖..
媽咪: (我都未攪清..) 哦..尖腳仔呀? (即係跳舞時的尖腳行)
澄: 係呀..
媽咪: (我好滿意自己的解釋啦!)咁快d瞓, 聽日去學跳舞啦..知唔知道?
澄: 知道..

過了幾分鐘..
澄: 密尖..密尖..
媽咪: 又密尖??? 密尖..密尖..襪尖..襪尖襪尖襪尖襪尖.miss尖..哦....原來係miss 占.(miss占係澄澄的芭蕾舞班的老師, 攪成晚..原來亞女想講聽日見到miss占) 係啦..聽日見到miss占啦.

**************************************************

媽: 澄澄舊雲咩色?
澄: 白痴.
媽: (當堂嚇一嚇) 係咪白色呀?
澄: 係呀. 白色.

***************************************************

平時, 澄澄見到姑婆會叫姑婆的. 昨晚, 姑婆, ee, 澄澄& marie姐姐同lift.

marie: good evening, antie.
姑婆: good evening

姑婆: 澄澄, 叫我先!
澄: antie
姑婆: 我唔係antie, 係姑婆.

****************************************************

話說亞妹仲未做好一些事

姐: 你做好咩咩未?
妹: 未呀.
姐: 你仲唔拿拿聲做, 作死!
澄: ..作死...
(姐&妹o晒嘴!!)

****************************************************

愛上泥膠

2008-11-11T22:28:00.000+08:00

一桶59.9的泥膠, 教澄澄著了迷.

後會有期

2008-11-10T22:17:00.000+08:00

說走說走, 都已經一段時間了, 今天真的要走了.

中午食火鍋, 這個farewell別具一格吧.

我們的麥博士走了..記住返來請我地食飯呀!

後會有期!

面試戰衣

2008-11-08T20:39:00.000+08:00

實在不明白, 以一個22個月的小子, 怎能面對一個陌生人進行面試呢? 記得, 妹妹大約2歲多時, 要考當時我讀的幼稚園, 我們三母女, 到達課室後(目前我還不明白, 為何當時會在中學的校舍進行面試!), 我同妹妹在高過我們的桌椅之間玩了一會後, 有位四眼女老師就帶妹妹到另外一間課室面試. 此時, 妹妹好像往行刑一樣, 喊足全場. 當時, 我真的意為以後會見不到妹妹, 還問媽媽, 妹妹往哪兒? 別說妹妹怕, 當時我也很怕呢! 最近, 聽朋友說, 這所學校又開始k1面試, 一個班房塞滿10對家長學生, 一個老師花10分鐘問小朋友一些問題就面試完畢, 之後, 回家等消息. 很像很兒戲. 但是比起以前, 有進步了.

話說回頭, 澄澄在11月8日作了人生的第一次interview. 面試內容節錄如下:

某miss : 呢個咩黎嫁? (手拿著一個玩具橙)
澄 : (呆了2 secs)
其實, 此時我想幫澄澄, 但想到這是澄澄的面試, 應該由她自己應付!

某miss : 呢個係咪橙呀?
澄 : 係呀, 橙!
某miss : 咁你請媽咪食得唔得? (好明顯係想測試澄澄會不會同人分享啦)
澄 : 唔得 (某miss 開始懷疑澄澄的能力吧!)
澄 : 要"搣" (某miss 即時嚇一嚇)
某miss : 係喎..要搣皮先俾媽咪食.
澄 : 係呀. (然後, 就俾個玩具橙我)
某miss : 你好叻喎. 咁你叫咩名呀?
澄 : 黃陳.

某miss : e..你頭先玩緊咩呀?
澄 : car
媽咪: 你話俾老師聽架車上面有咩人?
澄 : 麻麻, 爺爺, 嬸嬸, 叔叔, 婆婆..
某miss : 嘩, 你好叻喎!

沒有壓力的面試, 往往表現最真, 最好. 澄澄呀, 以後, 再多的面試都用最真誠的態度面對, 就算不成功, 也算是一個經歷吧. 好像, ee當時考不到媽媽的幼稚園, 但ee在她的幼稚園過得多開心, 年年考第一, 最後, 還升上大學, 讀完一個學位又一個呢. 真的 : 塞翁失馬, 焉知非福!

攪乜鬼呀

2008-10-31T18:08:00.001+08:00

蝦.. 你地班人呀.. 中國人的7月14日就話要早d返屋企... 到咗10月31日又話夜晚出來玩.. 又去海水公園, 又咪黎公園...嚇餐飽.... 香港人, 都係祟洋嫁啦..如果搵次, 有人係舊曆7月14日扮鬼.. 加埋周街都係燒街e既場景.. 咁係咪唔洗去乜乜公園, 都收到好驚嚇的效果呢? 或者, 中國人的marketing真係差過鬼, 人地又係鬼節, 我地又係鬼節.. 攪乜鬼人地就可以帶旺d乜乜公園, 而我地既鬼節就水靜河"非"呢? 真係要檢討檢討!!

無線電話

2008-10-30T08:40:00.000+08:00

澄澄見地下有部手提電話...執起佢先!

e..條褲無袋喎..咁點袋住部手提呢?

夾住絛褲咪得囉!

噢......掉咗個手提入條褲到tim....

好"魚"呀.....

以下片段有不雅成份, 請家長指引.

傳說酒渦

2008-10-29T08:33:00.000+08:00

傳說中, 有個女皇在世上, 長長頭髮, 塊面有酒渦.....

係呀...唔係講你...

車!!

我都有酒渦啦....

好深下嫁...

車..你都唔夠爹d深啦..

生日派對

2008-10-28T23:16:00.000+08:00

還記得, 澄澄半歲, 一歲, 歲半的時侯, 我們都會買蛋糕和她慶祝, 所以她知道什麼是生日蛋糕, 唱生日快樂歌, 吹立蠋, 切蛋糕等等..就算是其他朋友仔的生日會, 都是異常興奮, 因為可以重覆又重覆那些開心片段. 所以, 很多媽咪, 好像我一樣, 都樂意帶自己的兒女出席朋友的小朋友生日會, 或是兒女朋友的生日會.

剛剛的星期六, 我們出席晞晞的生日會.

未開始party前, 同澄澄去這個club house 玩一陣先

嘩.. 我去咁多個club house, 第一次係無人係playroom玩..

呢個club house仲有波波池, 不過, 澄澄不感興趣

同嬸嬸搖小船, 不過體重唔balance, 玩唔到

都係自己搖, 穩陣d!

自己玩玩具, 真的很悶喔!

澄澄很喜歡駕車吧.

不過, 佢很少走, 通常都是企定定..

原來一個人玩車車是很開心的..

這個就是晞晞生日蛋糕

這個就是晞晞妹妹啦..好可愛!

媽咪同澄澄

sam & cat姐姐

仲有cherrie姐姐tim

很開心的晞晞.

一家人很幸福喔

我們送的禮物 (唔該晒嬸嬸的預備)

我們的合照

跟住到嬸嬸了

很多uncle & antie呀

我們已急不及待了..

大家預備..吹立燭

我們玩遊戲拿回來的bear bear

三個女孩都有份

澄澄拿了這個bear, 之後就活躍起來了.

最後, 小朋友們影張相留念, 我們也得走了..

夏天還在

2008-10-26T16:49:00.000+08:00

夏天不是已經過去了嗎? 昨天, 教會隊工有活動, 我們趁著有點秋意, 來一次bbq. 可惜, 天氣實在太太太熱了....

夏天還在...我們溶了....

婆婆都有去bbq呀

好彩媽咪係到, 如果唔係無啖好食

紅臉的小妹妹

另一個紅bobo的qq呀

小朋友多開心..

很久不見了!

我們的盡責cell長

榮與女兒

引頸以待

2008-10-24T18:08:00.001+08:00

什麼值得我引頸以待呢?

就是小小芭蕾舞公主出場!!

著好鞋子嗎?

ok, 無問題!

做一個芭蕾舞動作黎睇下先...

唔....都幾優雅喎!!

大家千萬不要以為我們要將女兒變成淑女, 你看她穿的芭蕾舞衫都不是很lady就知, 「江山易改，品性難易」也. 我們只是想澄澄玩玩，學習聽老師的指示, 做出不同的動作. 據我觀察, 澄澄確實會跟著老師做動作. 不過, 時不時要坐在我身邊. 看來我第一次不入班房的決定是錯的!

希望澄澄以後可以在這舞蹈學校開心地學習!

在職媽媽

2008-10-21T07:20:00.000+08:00

親愛的在職媽媽們:

你們好嗎? 昨晚睡了多少小時? 有8小時? 有6小時? 還是4小時? 有4小時已經很好了吧! 聽說人要睡4的倍數, 每天有一個4的倍數應該是可以生存吧. 你們的孩子可好呢? 食得怎樣? 依舊的在吃飯時跑跑跳跳? 要你三催四請花你一兩個小時才完成? 不怕, 這些日子必定會過去的, 忍耐! 那孩子睡得充足嗎? 沒有在半夜時大哭大嚷吧? 噯他們入睡要花多少時間? 半小時? 1小時? 個半小時? 喚, 不多了, 我們以前每晚看電視的時間也不止2小時吧! 現在驅驅2小時, 不難吧!

你們的老板還是要你加班嘛? 仍舊是無理取鬧嘛? 哦! 要不是無理解僱就行了. 現在, 處處都是減薪裁員之聲, 要不是報章雜誌每天的提醒, 我們真的忘了, 要做好呢份工!

其實, 我們是怎樣渡過又要上班, 又要照顧兒女的日子呢? 每天24小時, 從來都不會覺得不夠用. 現在卻嚮往每天的私人時間, 一小時已很滿心歡喜吧. 「在職媽媽」是一個很好的稱呼, 但它卻是一份無形的壓力, 要做好工作的職份, 又要做好母親的本份, 談可容易. 如果兩者沒有衝突固然好, 但是有些在職媽媽的工作量卻是一人做兩份工. 真的可以想像她們的難處. 不如, 我們不談在職媽媽現在有多苦, 因為時間始終會過去, 兒女成長了, 再不會好像今天的要你噯睡覺, 要你陪他們玩, 要你餵食飯. 再過不久, 他們便獨立了.

曾經看過報章, 說美國越來越多在職媽媽, 由於要應付日益增加的家庭開支, 女的也要出來幫補家計. 而近在中華的, 也看過不少離鄉背井, 留下兒女, 在陌生的城市打工賺錢. 我們在香港土生的在職媽媽, 怎計也只是苦在沒有私人時間, 或是精神不足吧. 再多, 我們仍可以承受. 什麼沒有條件的愛, 我想大既是這樣吧!

姊妹們, 努力再加上感恩, 生活就會常樂. 生活本應如此!

互勉之!

銀行編號

2008-10-20T11:48:00.000+08:00

方便人, 方便自己.

銀行編號/銀行名稱
003 STANDARD CHARTERED BANK
004 HSBC
005 CREDIT AGRICOLE INDOSUEZ
006 CITIBANK N. A.
007 JP MORGAN CHASE BANK
008 ABN AMRO BANK N. V.
009 BANK OF AMERICA (ASIA) LIMITED
011 AMERICAN EXPRESS BANK LIMITED
012 BANK OF CHINA (HONG KONG) LIMITED
014 FORMER YIEN YIEH COMMERCIAL BANK LTD
015 THE BANK OF EAST ASIA LIMITED
016 DBS BANK (HONG KONG) LIMITED
018 CITIC KA WAH BANK LTD
019 FORMER KWANG TUNG PROVINCIAL BANK
020 WING LUNG BANK LIMITED
021 MEVAS BANK LTD
022 OVERSEA-CHINESE BANKING CORPORATION
024 HANG SENG BANK LIMITED
025 SHANGHAI COMMERCIAL BANK LIMITED
026 FORMER CHINA AND SOUTH SEA BANK LTD
027 BANK OF COMMUNICATIONS
028 ASIA COMMERCIAL BANK LIMITED
029 FORTIS BANK ASIA HK
030 FORMER KINCHENG BANKING CORP
031 FORMER SIN HUA BANK LTD
032 DBS KWONG ON BANK LTD
033 FORMER CHINA STATE BANK LTD
035 WING HANG BANK LTD
036 FORMER NATIONAL COMMERCIAL BANK LTD
038 TAI YAU BANK LTD
039 CHIYU BANKING CORPORATION LIMITED
040 DAH SING BANK LTD.
041 LIU CHONG HING BANK LIMITED
043 NANYANG COMMERCIAL BANK LIMITED
044 CHEKIANG FIRST BANK LIMITED
045 UCO BANK
046 KOREA EXCHANGE BANK
047 THE BANK OF TOKYO-MITSUBISHI LTD
049 BANGKOK BANK PUBLIC COMPANY LIMITED
050 INDIAN OVERSEAS BANK
052 OVERSEAS TRUST BANK LTD
054 DEUTSCHE BANK AG
055 BANK OF AMERICA NA
056 BNP PARIBAS
058 BANK OF INDIA
060 NATIONAL BANK OF PAKISTAN
061 TAI SANG BANK LTD
063 MALAYAN BANKING BERHAD
064 FORMER HUA CHIAO COMMERCIAL BANK LTD
065 SUMITOMO MITSUI BANKING CORPORATION
066 PT. BANK NEGARA INDONESIA (PERSERO)
067 EQUITABLE PCI BANK, INC.
068 UFJ BANK LIMITED
070 FORMER PO SANG BANK LTD
071 UNITED OVERSEAS BANK LIMITED
072 ICBC (ASIA) LTD
073 JIAN SING BANK LIMITED
074 BARCLAYS BANK PLC
076 THE BANK OF NOVA SCOTIA
081 SOCIETE GENERALE
082 STATE BANK OF INDIA
085 THE TORONTO-DOMINION BANK
086 BANK OF MONTREAL
087 CREDIT LYONNAIS
089 BANK MELLI IRAN
091 THE ROYAL BANK OF SCOTLAND PLC
092 CANADIAN IMPERIAL BANK OF COMMERCE
093 BANK OF SCOTLAND
097 COMMERZBANK AG
100 DRESDNER BANK AG
103 UBS AG
104 FLEET NATIONAL BANK
106 HSBC BANK USA
107 BANK ONE, NA
109 MIZUHO CORPORATE BANK LTD
112 HANA BANK
113 DZ BANK AG DEUTSCHE ZENTRAL-GENOSSE
116 BANCA DI ROMA S.P.A.
118 WOORI BANK
119 PHILIPPINE NATIONAL BANK
128 INTERNATIONAL BANK OF ASIA LIMITED
133 HSH NORDBANK AG
136 BANCA NAZIONALE DEL LAVORO SPA
138 THE MITSUBISHI TRUST AND BANKING CO
139 THE BANK OF NEW YORK
145 ING BANK N.V.
147 BANCO BILBAO VIZCAYA ARGENTARIA, S.
150 NATIONAL AUSTRALIA BANK LTD
151 WESTPAC BANKING CORPORATION
152 AUSTRALIA AND NEW ZEALAND BANKING G
153 COMMONWEALTH BANK OF AUSTRALIA
161 BANCA INTESA SPA
162 SANPAOLO IMI SPA
164 BAYERISCHE HYPO- UND VEREINSBANK AG
165 SVENSKA HANDELSBANKEN AB (PUBL)
170 THE CHIBA BANK LTD
172 THE JUROKU BANK, LTD
173 THE OGAKI KYORITSU BANK, LTD
176 UNICREDITO ITALIANO SPA
178 KBC BANK N.V.
180 WELLS FARGO BANK, NA
183 RABO BANK NEDERLAND
185 THE DEVELOPMENT BANK OF SINGAPORE L
186 THE SHIZUOKA BANK LTD
188 THE HACHIJUNI BANK, LTD
191 THE YAMAGUCHI BANK, LTD
196 STANDARD BANK ASIA LTD
198 HUA NAN COMMERCIAL BANK, LTD
199 THE SHIGA BANK, LTD
201 BANK OF TAIWAN
202 THE CHUGOKU BANK LTD
203 FIRST COMMERCIAL BANK
205 COUTTS BANK (SCHWEIZ) AG
206 CHANG HWA COMMERCIAL BANK, LTD
208 BAYERISCHE LANDESBANK GIROZENTRALE
210 NATEXIS BANQUES POPULAIRES
214 THE INDUSTRIAL AND COMMERCIAL BANK
220 STATE STREET BANK AND TRUST COMPANY
221 CHINA CONSTRUCTION BANK
222 AGRICULTURAL BANK OF CHINA
224 THE IYO BANK, LTD
225 FORTIS BANK
226 SHINKIN CENTRAL BANK
227 ERSTE BANK DER OESTERREICHISCHEN SP
228 BADEN-WURTTEMBERGISCHE BANK AG
229 CHINATRUST COMMERCIAL BANK, LTD
230 TAIWAN BUSINESS BANK
233 CREDIT SUISSE
234 BANCA MONTE DEI PASCHI DI SIENA SPA
235 HSBC REPUBLIC BANK (SUISSE) SA
236 UNITED WORLD CHINESE COMMERCIAL BAN
237 EFG PRIVATE BANK SA
238 CHINA MERCHANTS BANK CO LTD
239 TAIPEIBANK CO LTD
240 BNP PARIBAS PRIVATE BANK
241 BANK SINOPAC
242 INTERNATIONAL COMMERCIAL BANK OF CHINA CO LTD
243 E. SUN COMMERCIAL BANK LTD
244 INTERNATIONAL BANK OF TAIPEI
245 TAISHIN INTERNATIONAL BANK CO LTD

轉換角色

2008-10-19T09:40:00.002+08:00

假如我是澄澄, 我會有以下想法:-

**************************************************

最近, 我的家有點不尋常的事發生. 首先, 我已好一段時間沒有係麻麻屋企住. 平時, 媽咪都是每天都來麻麻屋企探我. 到了第五日, 婆婆就會帶我去佢屋企等媽咪. 然後, 跟住兩日都是出街, 到了返教會, 見到esther, 凱晴, 卓喬同matthew之後個日, 就會返麻麻屋企. 但最近, 變晒!!

我都唔知幾時見到麻麻, 幾時見到媽咪, 連見婆婆ee都唔知. 我計唔到. 好似有日, 媽咪帶我見一個姐姐, 佢好好人, 咁咪同佢say hello. 但唔知點解, 佢會係媽咪屋企住. 開頭以為媽咪d friend. 但又唔似. 佢不停係到洗衫, 掃地. 好怪! 我見平時, 麻麻同媽咪都唔洗成日洗衫掃地咁既?? 仲有, 第一晚呢位姐姐就瞓係我隔離. 你話驚唔驚呀? 我就好驚啦...一開眼, 見到唔係媽咪, 就係咁喊. 其實, 我都唔想. 於是, 媽咪拿拿聲抱我去佢地間房瞓. 唉..不過, 之後每晚瞓我隔離既, 唔係麻麻或者媽咪, 而係姐姐. 姐姐雖然沒有對我做什麼, 甚至每晚我一喊, 佢都同我搵媽咪. 但感覺怪怪的. 不過, 我開始覺得呢個姐姐都幾好, 因為佢無蝦我, 我再唔大聲喊叫媽咪, 只係細細聲. 只要每朝六時多, 見一見媽咪, make sure佢係屋企陪我瞓, 就得啦..

仲有, 宜家連返教會都唔同晒. 間房細咗. 連d小朋友都唔同. 第一次有姐姐陪都好d, 但第二次沒人陪. 我喊到收唔到聲. 點解嫁?? 媽咪又去咗邊?? 講開媽咪去咗邊, 真係一不離二, 二不離三. 我宜家學人地著靚衫去跳芭蕾舞, 點知一入到課室, 又唔見咗媽咪, 媽咪呀媽咪, 你去咗邊? 我喊完一輪, 媽咪又係個房出現. 好離奇. 所以, 宜家我唔敢離開媽咪太遠, 我怕又唔見咗她.

有了姐姐之後, 間屋乾淨咗. 同埋我一起身, 麻麻都係到. 好似以前咁有麻麻陪. 但有日起身, 屋企得返我同姐姐, 喊極媽咪/麻麻都唔出現. 姐姐就帶我出街. 唔知佢帶我去邊, 一落車, 就見到麻麻啦. 我好開心! 仲返麻麻屋企喔!! 之後, 媽咪返來食飯, 就帶我返媽咪屋企... 唔..我知啦..如果媽咪要返工 (其實我唔想媽咪返工, 因為媽咪返工就唔見咗媽咪), 一係麻麻會入來媽咪屋企, 一係姐姐帶我出麻麻到. 咁又係幾時會去婆婆到呢? 我仲未有頭緒. 不過, 有次返完芭蕾舞班, 個到好近婆婆屋企. 所以去了婆婆屋企食飯. 唔...唔知係咪次次都係咁呢? 如果係, 我就可以估計宜家我生活的秩序.

總之, 最近我沒有把握我的去向, 同幾時會見到或者見唔到媽咪, 我個心好慌下. 成日都叫住媽咪. 唔知幾時我的生活又好似以前咁, 有得計呢? 咁我就可以安靜下來啦.

*************************************************

最近, 一連多番的轉變, 確實令澄澄不知如何是好. 我明白她哭的理由, 做父母的當然想給最好的予子女, 但如果站在她們的角度想, 可能一切都不是最好. 如今, 我努力地從整生活的秩序, 做到一致的生活習慣, 讓澄澄可以預計她的生活, 讓她從拾對生活的把握. 澄澄, 請你放心吧!

這樣生活

2008-10-16T23:17:00.000+08:00

今晚是第一晚姐姐煮飯, 味道尚可. 這應該要記奶奶一功. 如果不是奶奶過來幫忙, 恐怕吃的和照顧澄澄的事, 都會讓我擔心不矣. 果真是家有一老如有一寶!

回到家裡, 是7時正. 剛吃過晚飯的澄澄, 滿面笑容的迎接我. 飯餸已經煮好, 由於奶奶要帶飯給在家的老爺, 所以吃得很快. 其實可能不是快, 只是我吃得慢罷. 食飯期間, 澄澄不時走過來要我和她玩耍, 畢竟連續每天都和她一起, 所以她最近總愛在我身旁轉, 恐怕會失掉我似的. 昨晚跟她說, 媽咪明天要上班了, 好唔好, 她答: 唔好! 咁媽咪帶埋你上班, 好唔好? 她答: 唔好! 少少年紀就知上班辛苦, 不愧是我的女兒, 哈哈!!

奶奶不到半小時就走了. 我和澄澄也接著往公園散步. 澄澄帶了bubbles. 由屋企往公園只是兩三分鐘的路程, 她不斷說: bubbles, bubbles. 看來她為著可以出外吹bubbles而興奮. 到了公園, 她沒有sir滑梯, 沒有搖馬仔, 沒有爬上爬落, 一心一意在吹泡泡及打泡泡. 在公園裡還識了一個17個月大的小妹妹. 她最後送了剩下的泡泡給小妹妹玩.

之後, 我們逛了supermarket買點東西, 其實也不少, 有兩大袋. 我還要澄澄幫忙拿我的小手袋. 她似乎很喜歡媽咪的手袋, 到了lift口, 她要照照鏡, 可能她心想: 真像一個大人.

回到家裡, 還有很多時間跟澄澄玩耍, 爹d回來也可以有飯吃, 還有可以同澄澄玩玩, 這種生活, 對我對爹d對澄澄, 真的很好.

早晨全餐

2008-10-15T09:03:00.005+08:00

請了姐姐以後, 我們的日子就優閒起上來.

每天在家吃的早晨全餐是我渴望已久的事. 因為我還未嫁時, 每天都是在家吃早餐的. 日日不同, 以前真的身在褔中不知褔, 吃兩口早餐便匆匆出門, 完全不知珍惜, 有時還要嚷著吃麥記的快餐. 到了結婚以後, 每天出門第一件事就是想在那兒買早餐吃. 初初我真的會在麥記吃, 後來kfc, 再有delifrance..過多了那些日子, 就開始懷念昔日一早便有熱騰騰的粥呀, 炒麵呀, 湯米粉呀, 煎雙蛋呀..放在餐桌上, 還有時間看看「香港早晨」! 比起現在, 在公司對著"芒"吃早餐, 真的覺得那時不論味道及氣氛, 都是好得不得了, 只可說早餐並不是充飢那麼簡單.

所以, 有了姐姐以後, 每天第一件要她做的事就是煮早餐. 吃了兩天以後, 我才知道以前吃的早餐, 背後是媽咪爸爸預先買了材料, 然後吩咐工人煮的. 之後, 工人多煮了, 才有每天不同, 天天新款的早晨全餐出現. 現在, 我們家要重頭做起, 要買定材料, 才可叫姐姐煮. 對於不善於烹飪的我, 在"買定材料"這個環節也要下功夫, 唉! 我開始發現請工人生活確實"閒"起來, 但"優"的質素就要慢慢來. 給我多點時間, 我們三口子的家漸漸會有點家的味道, 日後不再是請親朋戚友上來, 而是我們的家吸引他們來. 就像我父母的家, 很多時他們的家都是高朋滿坐的! 希望到時, 不要忙到手忙腳亂吧!

工人來了

2008-10-13T14:35:00.003+08:00

很多人跟我說, 你請工人要這樣, 要那樣. 不要請已在香港打工的, 不要這樣, 不要那樣. 仿似工人與僱主是水火不容的. 撫心自問, 你出來打工, 想不想老板每天都板著臉跟你說:你只可以做這樣, 做那樣! 不准你這, 不准你那! 我不想, 所以我想我不會如此對待我們的"姐姐".

Maria ~ 很易記的名字.... 跟已是30多歲的說, 我們的"姐姐"是Maria, 他們都會笑一笑. 這多得多年前江欣燕演活了菲律賓工人的惹笑角色. 可是我們的工人並不惹笑, 但她總會掛起笑臉. 跟她談到她以前的生活及為何來香港工作, 我相信她給我們的笑容是真誠的.

我們是幸福的. 因為我們請了一位有責任的人. 她有自己的兒女, 但為了生活, 願意隻身來到一個陌生的地方工作, 去服侍一個普通不過的家庭. 我們請她, 並不是我們有錢, 而是因為我們想有一個人幫我們帶澄澄, 我們便可以每天與澄澄相處見面. 我們同時都為了兒女著想, 何解有著天壤之別呢? 如果我們不是幸運是什麼呢?在這身在福中的, 更應該尊重別人.

澄澄第一天跟姐姐的相處出奇地好. 可是, 還未到可以同睡一房的地步. 相信澄澄需要時間和這位姐姐建立關係. 我們感謝天父的預備, 也祈求天父使我們這僱傭的關係是建立於互信及尊重上, 媽媽說: 疑人不用, 用人不疑! 希望我們可以實踐這道理.

愛整啫喱

2008-10-06T18:00:00.000+08:00

小朋友很愛啫喱, 對吧? 我們在行超市時, 特別買了兩盒啫喱給澄澄. 讓她來做做這個啫喱.

上星期給她做了第一次, 她很喜歡吃. 於是, 這個星期我們又來一次.

媽: 澄澄, 我地今日整啫喱好無?
澄: 好呀.
媽: 咁你坐定定, 著埋件衫. 媽咪去攞d用具先.
澄: 好呀.

(於是,媽媽攞了冷熱水呀, 啫喱粉呀, 杯呀.... 準備開始製作啫喱, 而澄澄就著好衫, 拿起一枝玩具匙)

媽: 澄澄, 我地整啫喱用大匙, 唔洗用你個支細匙

(於是, 澄澄放低枝玩具匙, 佢就開始製作)

大家見唔見到個枝黃色的玩具匙?? 同埋澄澄幾投入去整啫喱.

開始倒一杯一杯啦....

看她的樣子很認真的..

她全程沒有笑..好緊張似的!

好了. 完成了. 我們要將盛滿啫喱水的杯, 入雪櫃. 此時, 澄澄不讓我們拿它進雪櫃裡. 她還把玩著先前的玩具匙, 並且哭起上來.

噢!!! 原來她意為將啫喱水放入水杯, 就可以食, 她眼見我們放入雪櫃, 即是她無得吃. 所以就哭了.

我們怎樣解釋水在低溫才凝結, 簡直是對牛彈琴. 於是, 我們將已結冰的雪糕, 轉移她的視線.

好似好好味wor..

請d黎食

唔得??

澄澄緊係會請我食啦

乖女!!

好味道!!

同你一齊食..仲好味.

一人一d..好無?

I LOVE YOU!!

傻豬!

辛勞工作

2008-10-01T13:24:00.003+08:00

對我來說, 從來沒有一份工是很辛苦的. 對比起其他香港人的朝八晚十的工, 我打的工算是不錯. 還記得剛剛出來做事, 什麼也不曉得, 面對老闆的要求, 往往摸不著怎樣去完成. 真的很惱人, 那刻很想辭職不幹. 在公司的洗手間哭過了以後, 心想:沒有理由其他人懂得的事會難倒自己, 何況每個人出來做事都是由不懂變得有經驗, 我死不信有人可以唔洗人教就會學曉世上種種的新科技和新知識. 此後, 我做工特別用心, 學習不同的新事物. 當我發現不能在上司或老闆身上, 學到什麼東西, 我會主動辭職. 因為我可沒有太多時間停留.

今天, 我在這公司工作已經有六年之久, 要學的都學會了. 最近, 有很多不是我很懂的事要我了解, 要我去負責. 做起事上來不像從前的得心應手, 甚至弄得自己很緊張, 很心煩. 還好是有同事們說說開解, 有她們在公司真好. 回家後, 又見到近來非常精靈的"淇淇". 所以, 縱然近來工作不是很快樂, 但我仍有自得其樂的辦法. 我想我依然很好!!

新鮮海鮮

2008-09-28T17:35:00.000+08:00

很多人都是一個人好無聊, 但我屋企就比較特別, 是所有人都可以好無聊!! 還記上次打風的生日會嘛? 中秋佳節圍一起估爛gag的趣怪場面? (記住是估, 不是說) 今次, 不知誰無聊, 說來一次"美男廚房"煮海鮮. 好了, 約好今日一起出旺角買海鮮. 由於, 我要照顧澄澄, 所以剩下兩位猛男同3位c9出發買材料. 之後, 回家一起煮大餐.

是日菜單:

薑蔥炒淡水crab

椒鹽賴尿蝦

呢幾隻超美味的特上賴尿蝦真係食到手指損都要食..好味到呢!!

清拾蝦.. 呢味係我拿手好戯..因為淨係拾已經好完滿..可惜, 今次沒有大展身手的機會...

新鮮扇貝, 用來蒸就good啦..

聖旨..乜有咁大隻既咩??

以上幾味都係manda主理

之後, 就到一班大師出手...

來來來.....第一個是姑姑炒蜆

大家可以一睹姑姑的精湛廚藝....

不過, 我就覺得d味清咗少少..

到黃家大師傅s

爹d呢次煮d乜呢?

就係煮緊呢盤咖喱...

呢個就係深海咖喱crab

好唔好味??? 你睇亞echeung隻手指就知啦!!

輪到叔叔大顯身手

獨沽一味~薑蔥生蠔

好似好得咁..

上碟都好ok, 不過上次好味d..唔知係咪亞叔用唔慣生鐵"wal"呢?

跟住, 係壓軸的張c9

我媽咪煮的辣酒煮花螺

仲有, 最後出場的迷你帶子伴甘"順", 講真第一次食咁細粒的帶子, 似花生多d..

其實, 中場有蒸魚, 有燒味, 有菜, 有老火湯. 不過影唔切

我地一邊食一邊煮...

開頭, 張table都算乾淨

但最後, 我地呢班餓鬼...攪到..張table..."拿咁較"!

食完飯就食迷你西瓜

重唔重呀, 澄澄?

叔叔生日, 我們順便同他慶祝. 借個女俾你...一家人呀!!

一家人..大合照.

因為有了你們, 使我的家很溫馨!!

朋友相處

2008-09-26T18:17:00.001+08:00

一歲多的人仔可以怎樣交朋友呢? 還有她們是怎樣相處呢?

依我觀察, 在一歲多到兩歲的小朋友, 他/她們大多數是各自為政的, 很少會聚在一起分享玩具或是說說笑. 所以澄澄與小朋友一起時, 都是自己顧自己, 很少交流. 不過, 有時都會有破例時候...

澄澄與表妹
有次當爹d正在飲一盒紙包飲品之際, 澄澄嚷著也要一盒. 我給了她之後但沒有幫她開, 於是她自己嘗試"滅"開支飲管, 她當然不成功啦. 那邊, 表妹見表姐手上有盒紙包飲品, 就立刻爬過去, 表姐也給她拿著. 可惜她發現睇得唔飲得, 於是又俾返表姐. 表姐又嘗試"滅", 可惜"滅"唔開. 表姐再一次俾表妹, 睇下表妹開唔開到(表姐你都開唔到, 表妹當然都唔會開到). 最後, 表姐終於開到並插了支飲管落包飲品去, 表姐飲完一啖, 就俾表妹一起分享成果. 她們整個過程係零說話, 只是用意會. 我在旁睇, 好像睇緊discovery world個d動物片互相幫助的溫馨場面. 哈哈!!

澄澄與表哥
由於表哥已經是k1學生, 所以說話同"一齊玩"的意識比較強. 他們的相處就變得很像大人. 例如他們的對話如下:

澄: 哥..xx..xx...cc...xx...xxx..
哥: xx? xxxx..ss...哈哈!!
澄: 哈哈哈哈...
妹: 哈哈...
哥: 哈哈...

跟住三個係到笑不停又大叫. 好多時, 我就"o"晒嘴, 叫表哥翻譯. 當然表哥係唔會翻譯比我聽啦..明既, 你們是火星來的, 我們這些地球人是不會明白你們的!!

左起: 表哥, 表妹, 澄澄 (後面個位是無有儀態的叔叔..哈哈!)

澄澄與綽蕎
澄澄第一次俾人打, 就是被綽蕎姐姐打的. 之後, 澄澄唔開心了一整天. 不過, 下個星期見面時, 她們又好像無有事發生一樣, 又一起玩, 怎枓, 在波波池中, 綽蕎又想起手打澄澄. 於是, 澄澄用好惡的態度說: 啦啦嘩bs嘩咇咇..., 她這樣惡, 連綽蕎都不敢再蝦她...可能這是不打不相識吧, 現在澄澄見到綽蕎時, 會從後給她擁抱. 而綽蕎也欣然接受. 她們的相處是很肉緊的!!

澄澄與凱晴
相反, 澄澄與凱晴的相處比較安靜, 有時媽媽會叫澄澄拖著凱晴姐姐周圍行, 澄澄就會拖著凱晴姐姐周圍行; 有時就是凱晴媽媽叫. 她們兩個一起的時候就是這樣和平, 她們不會爭玩具, 不會吵架.

澄澄與esther
我很喜歡看她們倆個相處, 因為esther總是會幫澄澄及教澄澄玩某些砌圖遊戲. 而澄澄又會好聽esther姐姐的說話. 有次esther叫澄澄做"姐姐", 我們說你才是姐姐, 應該叫澄澄為妹妹..後來才知esther不是想叫澄澄做姐姐..只不過, 佢叫不到澄澄而已!! 姐姐=澄澄!! =陳陳=淇淇???

澄澄與matthew
matthew哥哥大澄澄3年. 由於matthew有妹妹的關係, 所以佢同細過他的妹妹都相處得很好. 他會讓澄澄, 會跟澄澄說道理, 當澄澄走遠了會叫她回來. 就是一個大哥哥與小妹妹的相處, 來得很自然喔!

左起: esther, 凱晴, 澄澄, 綽蕎, matthew

看著澄澄小小年紀就有6個朋友仔, 很幸福喔. 媽咪祝你們: 友誼永固!!

你叫咩名

2008-09-25T18:22:00.001+08:00

大約在一個月前, 開始教澄澄我們的名字.

媽: 澄澄媽咪叫咩名呀?
澄: ....慧....騰
(咁細..叫讀得幾好啦.)

媽: 咁..爹d叫咩名?
澄: ....
媽: 同你一個姓呢?
澄: 黃..
媽: 細..
澄: ....蠔呀!
媽: 再講多次爹d個名.
澄: ...黃...蠔呀!
(哈哈...人仔細細幫老豆改名..勁!)

媽: 澄澄呀, 咁麻麻叫咩名呀?
澄: ..你...寶..
媽: 係啦..寶咩呀?
澄: (好大聲) 花呀!!
(係..麻麻係一朵花)

媽: 咁爺爺呢?
澄: ...
媽: 又係同你一個姓呢?
澄: 黃..無..遲..
(爺爺係無遲..哈哈)

媽: 澄澄咁叻, 咁記唔記得婆婆叫咩名呀?
澄: ....(真係唔記得?!)
媽: 零..
澄: 零..
媽: 熟..
澄: 熟..文呀!
(原來澄澄係記得嫁!)

媽: 公公呢? 同媽咪一個姓嫁喎.
澄: 將..慧.
媽: 唔係..無慧..
(澄澄最唔熟公公個名)

媽: 咁ee個名你記唔記得呀?
澄: 將..慧.....
媽: 淋
澄: 淋呀!

媽: 嘩!! 澄澄你好叻..咁嬸嬸呢?
澄: 亞思呀!!
(媽咪估唔到澄澄同嬸嬸老友到可以淨係叫名! 嘻嘻! 其實係佢成日聽麻麻叫嬸嬸做亞思, 所以佢跟埋一份.)

最後, 澄澄指著自己.
媽: 哦..係喎..留咗澄澄tim, 咁你叫咩名呀?
澄: 黃陳......

媽: 你叫黃澄..唔係黃陳..
澄: 陳..陳...澄..陳....
(黃陳..黃陳...黃陳聯婚咩...可惜你係女仔..點講都係陳黃聯婚...所以你係錯既!!)

宜家同陳陳對話真係令你好開心, 因為佢真係好鬼攪笑. 有時問佢,你叫咩名..佢會答你: 淇淇呀! 明明澄澄同淇淇發音都唔同?? 算啦..鬼叫佢亞媽我發音都唔準咩!!

高空擲物

2008-09-24T08:15:00.000+08:00

昨天, 在奶奶家, 奶奶說不見了幾張zippy dvd (是澄澄看開的dvd, zippy 是一個卡通人物). 我不以為意. 由於昨天打風的關係, 奶奶家的窗是緊閉的. 正當我和嬸嬸在房中, 與澄澄玩之際, 澄澄自己開了一個窗. 我很愕然澄澄能做到. 因為開窗是經過兩個步驟的. 是開窗鎖, 然後推. 原來澄澄在不知不覺間, 已經學了次序.

於是, 我"襯"機問澄澄: zippy呢?
澄澄用了一個很惆悵的眼神答: 下..下..
我問她: 你是不是掉了zippy?
澄澄: 係呀.
我: 你知唔知掉了之後, 就唔見了zippy, 以後都見到zippy啦.
澄澄: 係呀, 掉啦.. (個樣好似好唔開心)
我: 澄澄你以後唔准開窗掟野落街, 咁樣係好危險, 會掟親人. 人地會痛痛. 知唔知?
澄澄: 知!

其實, 我都唔知佢真係知唔知. 但這件事讓我知道, 沒有人看見她掟野落街, 如果萬一那窗是沒有窗花, 澄澄豈不是表演空中fly人.... 這個時間真的要看實澄澄喔!!

誰不受控

2008-09-23T08:58:00.000+08:00

嬸嬸說道澄澄開始不受控. 其實是澄澄很快就踏入了二歲的自我期. 所以, 最近她的表現是前所未有的失控/失禮. 不愛與人分享, 不愛聽大人話, 自己會做的要別人做, 自己不能做的硬要自己去做, 處處攪對抗是典型的二歲自我表現. 所以, 澄澄很快又會踏入人生的第一個自我期, 與之前相比, 她好像naughty點, 但事實是這個"naughty"是人生的過渡, 讓她自己開始發現自己. 對她來說, 好像開展了人生的另一個層面, 原來她可以隨著自己的意思, 做自己想做的事. 不要說是一個小朋友, 如果大人可以隨己意而行, 她對外的反抗力是可以想像.

所以在這個階段, 我們一定要讓澄澄開始發現"我"的槪念, 然後, 給她一些指引及規範. 我們要用比較幽默的方式及開放的態度去指導她. 例如: 澄澄不給某些東西給你, 你就要裝出很開心有某種東西, 要令她很想要, 然後跟她交換之前不給你的東西. 又例如: 正在吃飯時, 澄澄說「陳陳要地! (即係佢想落地唔食飯的意思)」, 你的回應是「澄澄你要跟大家說: 我(澄澄)飽了, 你們慢慢吃! 」才可以落地。. 總之, 有很多很多例子, 重點是跟她說要簡潔, 正面的回應.

過了這個時期, 你會發現澄澄長大了. 學懂與人分享及聽話, 從前的naughty澄澄就會不見了.

但大家要知道她現在還未到兩歲, 所以之前所說的只是預告. 你們要有心理準備這個古惑澄澄將會變得更古惑, 更多說話, 更會裝瘋賣傻喔. 當澄澄什麼都開始說 "陳陳要...陳陳不要...(即是澄澄要..澄澄不要..)", 這才是開始. (很像預言一樣..呵呵呵!!!)

因為如果這個時期發展得不理想, 她真的會變得很自我, 以為沒有人了解她, 日後就會很難教. 所以希望各位uncle & antie在澄澄這個學習"我"的階段, 要多多鼓勵她, 並不是遷就她, 在她成長裡頭幫她一把, 讓她成為一個快樂的小朋友. 謝謝各位!!

堅持不了

2008-09-22T14:25:00.000+08:00

噢.. 說了每天update. 竟然又敗在這兩個星期手上. 算了以後唔再提每天一blog的理想.

讓我報告一下這兩星期的點滴:

9月5日~ 爹d畢業了!! 不過, 這個畢業不是終極的目標, 這只是過程. 我們再等兩三年罷. 那次畢業, 我同澄澄一定會著靚衫同埋帶束花去支持你的!!

9月6日 ~ 二姑丈的六十大壽宴. 以往, 我只是參與過麻麻及爺爺的六十大壽. 都是上兩代的, 如今我上一代已經踏進六十. 再過三年就到我爸爸的六十生日. 人生過了足足六十年, 什麼甜酸苦辣也經過. 究竟人生給他們什麼意義呢? 人生是用來要賺盡地上的金錢, 還是擁有人與人之間的快樂情誼? 我希望自己不要到了古稀之年才悟出人生的道理.

9月7日 ~ 我們一家參加了世豪朋友的婚禮. 澄澄穿了一條白色長裙. 很可愛的. 相要後補了!! 之後, 我們一家與婆婆, 姨姨等一家人食了一餐超美味的晚餐.

9月8日 ~ 澄澄首次在麻麻家吃完晚飯後回沙田屋企, 開頭跟澄澄說走了, 媽媽帶她回家, 她不甚興奮, 沒有理會, 因為在她的生活習慣上, 都是媽媽自己一個回家的. 之後, 跟她說今晚媽媽同澄澄回家, 快穿鞋. 她也沒反應. 再說, 是真的!! 她於是急急腳的穿鞋, 連忙跟爺爺麻麻說拜拜, 就拖著我手回家. 那晚, 她很開心!

9月9日~ 婆婆, ee及媽咪休息一天, 帶澄澄遊太古城及西貢. 由於, 媽媽晚上有事做, 要先走. 要留澄澄在婆婆那兒吃晚飯, 然後由公公婆婆帶澄澄回麻麻家. 據ee說, 澄澄好乖, 只是剛剛起床時要找媽媽罷了, 之後, 跟ee玩, 又很合作地自己食飯. 婆婆說, 原來真的是媽媽在, 小孩才壞的道理.

9月10日 ~ 9月12日 ~ 吾公司忙得很, 有會要開, 還上了堔圳一回.

9月13日 ~ 與志安哥哥的約會. 由於表哥上了志安哥哥的playgroup, 覺得很好玩, 所以這天澄澄跟表哥參加當天的playgroup, 之後, 我們兩家一起lunch & 游水. 表哥同表妹都喜歡同澄澄玩, 而澄澄當然也很愛他們啦. 看著三個可愛小孩一同成長, 真的很快樂.

9月14日 ~ 中秋賞月夜. 很久沒有40幾人迫爆tkw的奇景. 中秋之夜慶團圓, 這個中秋過得很有意思.

9月15日 ~ 原本一家過得很清閒, 怎知傷了腰部.. 很痛!

9月16日 ~ 不能上班, 看了e生.

9月18日 ~ 9月19日 ~ 吾有公務在身. 難眠!

9月21日 ~ 與最愛的3pair加澄澄一同看大結局. 澄澄在嬸嬸家中, 玩到顛. 於是一覺瞓天光. 這也好, 減少了我夜晚起來的次數.

9月22日 ~ 絛腰仲未好返. 究竟幾時才會完全好番呢?

遊科學館

2008-09-05T22:48:00.002+08:00

上個再上個星期日, 崇拜完, cell內剩下我們及愷晴一家. 於是, 經過商量, 愷晴媽咪話科學館有個運動競技場, 好啱兩個澄晴玩. 所以, 我們兩家就在那個星期日一同去科學館.

由於是暑假的關係, 人特別多. 就連那個運動競技場也要分流. 我們只好去參觀另外一個新館"深海奇珍".

我們今次的同伴有愷晴一家!!

我們係到做咩呢???

上電視也!!

這個是很好玩的真人足球機..澄澄好像不知發生什麼事..點解我地會係電視到呢???

我們玩得好投入, 唔知會唔會record high 呢???

澄澄終於可以有機會做strong man!!

can you lift? i can lift a hundred pound!!

跟住, 兩位小澄來一個bb賽跑比賽...

點解澄澄會拿住龍蝦呢??

因為我們走進一間supermarket. 這間supermarket好得, 所有食物仿真度很高..不過, 由於人多. 就唔係好啱兩位小澄啦...

她們兩個最愛玩是...特大波波池..

兩個係波波池玩到顛晒..

走啦..走啦..下次再玩過!!

俾科學館個website. 如果有小朋友, 可以一去!!
http://hk.science.museum/spexh/sa/index.html

順便俾埋上次去沙田博物館的website.
http://www.heritagemuseum.gov.hk/chinese/main.asp

學習祈禱

2008-09-03T20:44:00.000+08:00

從澄澄開始學習食飯時, 我們教她要向天父祈禱.

禱文是這樣的: 謝謝主, 賜我食, 求祝福, 保我力, 奉主名求, 阿門.

看似很簡單的禱文, 要一個未滿一歲的小朋友學習低頭背誦, 實在是有點難度. 我們一家人吃飯前, 都會由一位領禱, 其他人就會低頭聆聽, 最後同聲說"阿門". 所以, 起初澄澄也是跟大家一樣,說到最後就會說:"門". 不過, 她就是睜開眼的.

到了一歲多點, 她發現我們每次祈謝飯禱時, 都會問今晚邊個祈禱? 有時麻麻祈, 有時爺爺, 有時媽咪.. 突然一天, 我們坐好, 等整人一起祈禱, 澄澄立即指住媽咪, 示意今天媽咪祈禱. 為了順應這個祈禱初哥, 我就來領禱. 她仍舊睜開眼, 看看各人是否合眼禱告. 然後, 最後一同說阿門!

好了, 當她每晚指揮誰領禱之際, 還會觀察誰不禱告. 第一個給她生捕的, 是公公. 是喔! 我們的家庭成員, 只有公公同舅父還未返教會. 但是在麻麻那裡, 個個都是基督徒, 所以一起祈禱吃飯是很平常的事. 澄澄有這個反應是可以理解的. 近來, 發現舅父仔也跟我們一同禱告, 不知道是否怕澄澄點名不祈禱呢..哈哈..小孩子那種天不怕, 地不怕, 真的可愛!!

到了澄澄歲半, 她已習慣吃飯祈禱. 有天, 表哥表妹前來吃晚飯, 我們同樣一起祈禱. 但由於表哥未坐定, 所以表哥要求再祈多次. 表哥一字一字的開聲禱告, 澄澄聽, 然後合緊眼睛. 這是第一次澄澄合緊眼睛禱告.

現在, 澄澄不僅合緊雙眼, 並且嘗試背誦: 謝謝...., ......食, 求......, .....力, ....., 阿門.

不知道天上的父親聽了"謝謝食求力"的禱文收唔收貨呢? 下一個目標, 要教澄澄唸主禱文!!

很想影下澄澄在禱告的模樣, 但我們真的在禱告, 不好意思走開拿相機影相吧!

嬸嬸飲茶

2008-09-02T23:03:00.004+08:00

如果要每天都寫一些難忘事. 今天我一定寫澄澄請嬸嬸飲茶的故事.

最近, 澄澄開始學習自己vv 和 pupu. 有好幾次, 在我們的家, 她都可以做到. 有時我也會驚訝少少年紀的澄澄, 原來可以做得的東西比我們想像的還要多. 今天, 爺爺麻麻稱讚她, 說自己開聲叫"史史"..唔..滿以為澄澄今天有進步之際.

食晚飯時, 麻麻問澄澄, 要不要上洗手間. 澄澄答:無呀! 於是麻麻繼續食飯. e...點解地下有水... 唔駛問亞貴...是澄澄的傑作啦.. 我幫她洗pat pat, 麻麻就忙於拖地. 食完飯, 嬸嬸和澄澄玩耍, 澄澄突然企定定.. 嬸嬸大叫.."史"... 是的..不是澄澄叫, 而是嬸嬸叫.. 澄澄今次攪大規模的無聲抗議.. 不幸, 自己隻腳都中招...於是乎, 我又要幫她沖洗...沖洗完, 爺爺叫她吃水果. 咬不夠兩口, 又不喜歡. 這樣唯有嬸嬸讓澄澄坐在她大腿上看圖書. 麻麻前來問澄澄要不要魚肝油. 這是澄澄的至愛, 她竟擰頭拒絕. 正當我和麻麻困惑之際, 嬸嬸再一次大叫, 澄澄賴尿....下..唔係掛.. 食餐飯啫..洗唔洗兩次vv加一次pupu......咁"多采多姿"喔... 但萬萬想不到, 最不幸的是嬸嬸, 因為澄澄還是坐在她的腿上. 嘩哈哈..

如果爹d是"恆心王", 咁嬸嬸一定係"黑仔王"....剛剛等小巴, 都可以有支樹枝掉在她的眼與眼鏡之間.. 唉..呢期嬸嬸你都係黑仔嫁啦.. 返工d野..睇開d啦.. 可能d黑雲過了, 會有彩虹呢!!

新的開始

2008-09-01T22:29:00.000+08:00

九月. 開學日.

從前最怕9月1日的大日子. 如果那年9月1日是星期六, 開心地認為可以番少2日學. 這種自欺的想法, 多年在我裡頭打轉. 自從上班後, 沒有九月恐懼症, 卻得了放假放得少的抑鬱症. 你問我一生人有幾何可以放你兩個月假而不必擔心衣食住行.. 我諗就係返學那十幾年. 現在pay back都唔係好過份....再說, 如果給你放兩個月大假, 無錢無糧, 問你驚未? 對我來說... 係....超....驚!!

九月. 係新的開始

學生哥可以不計前嫌, 再接再厲勇往直前, 唔考包尾考第一. 這個也是我多年的九月夢. 但唔夠兩星期就會打回原形. 因為.. 因為.. 對手太強..還是自己口爽荷包笠 (我係我亞爸到學返黎). 唔理. 一於少理. 今天, 我再同自己講一日一blog唔係好難啫. 最多唔貼相, 唔upload video. 希望可以大步跨過九月. 上個月明明已經打好幾篇.. 但無相做side dish.. 所以.. 無update個blog.

博物館

2008-08-22T16:20:00.008+08:00

許久沒有去博物館了. 有了女兒, 我們再不是只懂往購物中心打轉的香港人. 我們每個周六日, 如果天氣及身體許可的情況下, 都會帶女兒四周去. 澄澄玩的同時, 我也在玩呢!! 我多麼開心有她和我倆作伴. 在越平淡的假日裡, 變得更有生氣.

炎炎夏日

2008-08-16T10:20:00.001+08:00

如果你們還未被我們的泳照而推動下水的話, 你們便白白浪費這個仲夏了!!!

我好喜歡游水. 希望女兒也喜歡. 曾經有學者說帶小朋友多出外, 讓他們發現這個世界. 希望女兒他日長大了, 並不只是發現大世界, 還記得有個水世界.

哭...只是為了.....

維他奶

去到表舅父屋企

要表舅父借過

佢做咩呢?

就係要坐係張osim既按腳器上...

澄澄坐得好認真...因為以為個張係bb櫈..哈哈..其實, osim可以考慮下, 小朋友呢個market喎..haha..

同姑婆影張相先啦...

係咪咁唔願意呀??

係啦..影張正經既.

好多謝姑姐屋企的粥粉面飯喔..好味!

簡單這是美

2008-08-14T09:00:00.000+08:00

這天我們搭了長途車.

由沙田往東涌的車廂裡, 嬸嬸逗澄澄玩. 她們玩得很開心喔!

在車廂裡, 澄澄身了懶腰

偷飲菊花茶

做了v字手勢

和不耐煩的樣子

很不容易到了下車的地方

轉車站有一些雜草. 不說不知, 澄澄最怕草, 她怕了"桔"的感覺. 後來, 經過嬸嬸和媽咪游說, 才輕輕試掂.

掂掂下, 澄澄大聲說:蟻!! 嬸嬸說係喎, 有蟻! 澄澄於是繼續蹲下來, 觀察那些小蟻.

一個炎夏, 可以在優遊自在的星期六, 放下一切, 隨心往那裡走. 沒有趕時間, 沒有消費, 就像小朋友只是坐一程巴士, 觀察四周那些微不足道的事, 人生可以這樣簡單.

迪士尼之旅 - 第四回

2008-08-13T11:52:00.000+08:00

來到這篇第四回, 是時候可以入迪士尼玩罷. 錯錯錯!! 我們都未吃早餐喔!

澄澄第一次住酒店, 很興奮. 在房內走來走去, 怎樣也不肯睡. 後來問其他家長, 他們說要預備一些小朋友用開的枕頭或帔. 這樣孩子才會睡得好. 不竟我們這是第一次和澄澄住酒店嘛, 還好是只是睡一晚.

調較好的alarm, 很準時在7:45響起. 我同爹d正式懶床的時候, 身旁的澄澄拍拍我, 示意要起床. 我便知道這個女兒昨晚睡得不好, 一定是等天亮.

好了, 我們快快換好衣服, 出發食早餐

在酒店內逛逛

澄澄至愛--> backpack

在酒店內吃早餐

終於入了迪士尼了...第一張同character影的相.. 是澄澄最驚的Goffey. 之後, 我們未能同其他Character影相.

<巴斯光年>

澄澄第一次見巴斯光年喔

這個巴斯光年...澄澄玩了兩次, 第一次是我們一家人一齊玩

倆父女玩得很投入喔..

第二次是跟愷晴一家玩. 澄澄很好, 跟愷晴一家玩時沒有哭呢. 之後, 我們問她再玩好嗎..她說:好!!

爹d驚澄澄餓..買了動物餅給澄澄吃. 他選了"紫菜味", 攪到個女變了dirty cat!

玩咩野令到愷晴咁驚??

但an's family一家無事wor..

之唔係winnie the pooh之嘛..

聽聞呢個SHOW好OK..

可惜澄澄瞓著覺, 睇唔到..

等她起身, 爹D同澄澄玩轉到頭都dizzy既旋風杯..

最後, 我們坐了船..都幾驚險..

第一次去香港迪士尼, 就下雨. 它不大, 卻會弄濕你. 你不能不開傘, 但開了又極度麻煩. 點解去玩先來落雨???????????????????? 希望在明天..下次再來, 希望有好天氣!!

迪士尼之旅 - 第三回

2008-08-12T09:50:00.006+08:00

哈哈.. 是我寫得慢還是有太多東西想寫下呢. 竟然將2日1夜的行程分了幾回. 我越來越欣賞那些每天都更新blog的bloggers. 恆心這回事, 我真是要好好學習. 如果我都做不好, 澄澄又豈能會做得到甚至更好呢? 不過, 我有後著. 因為...登登登....我家有位爹d, 他是出名的"恆心王", 有了他, 我再差, 澄澄也找到學習對象...哈哈.. 這個媽咪真是... (有時我都覺自己真是很無聊+無用呢!!)

話說回來, 我們check-in完, 游過水, 出東涌吃晚飯後, 又要趕著回迪士尼去看9:00的煙火時間. 這一次再坐老鼠車, 小朋友完全失控..

很難才來張合照呢.

再一次苦練雙環項目

誰玩得開心?

爹d是也..

我們在差不多8:45進入迪士尼

我們排好陣勢去迎接即將發放的煙花

趁有時間, photo pls.

呢張好似key落去咁..

我們的傻瓜機真的太差了, 完全影不到煙花!!

同一方向, 同一夢想. 我們就是奧運(父女)!!

看完煙花, 我們就來到不同的店舖. 主旨: 涼冷氣

我們睇的多, 真正買的少. 其實無買野..heehee..

係時候在夜間的迪士尼進行放羊行動.

小朋友真是小朋友, 經過一天的活動, 大家都friend了起來

他們不是friend, 是兄妹喔..很相親相愛呢!

迪士尼之旅 - 第二回

2008-08-11T09:10:00.001+08:00

出了地鐵之後, 我們先往酒店check-in. 途經迪士尼, 我們在公園門外拍拍照, 小朋友在地上走走, 這已教大家莫名興奮.

你只要睇呢張pic, 你就知澄澄幾咁happy

過黎同媽咪影張相先

We love there.. right??

全家照.

ANTONY'S FAMILY

上巴士去酒店啦....photo pls

澄澄似唔似大陸團等上酒店的情形?

見唔見我地箱行李..

CRAZY PLAYING IN HOTEL

榮叔叔影相, 又關你事?

TAKE A REST 之後再戰

好了, 上房了, CHEERS pls.

知唔知我地會去邊呀? 無錯..游水去也..

去泳池中途, 畫下MICKEY先..

黎多張泳裝照...

An's family

有澄澄一齊游水特別開心

澄澄你同媽咪一齊游水, 開心嗎?

愷晴好叻. 佢唔怕水嫁.

Esther就少少怕水..不過, 全部小朋友最怕GOEEFY係泳池中.

游完水...瞓晒...

只係得愷晴堅持未食飯唔瞓覺的原則

是日晚餐..好味.

係我地等車返入迪士尼時, 有以下場面:

話說澄澄很喜歡同esther玩. 成日哄埋去要esther同佢玩"小明".

你喜歡唔代表人地都喜歡同你玩..所以esther發忟贈..

澄澄見人家唔同佢玩, 佢竟然跟住扮哭..

Pure and Clear

老地方見

睡公主

龍年b

向美好一年出發

真心做媽咪

澈澈

義海豪情之義

旅行去

愉快媽媽

有兩個孩子的心情

澄澄與堂濤濤

爹d的功能

我的飢饉月

最愛是誰

我們對話~面部篇

澄澄的角度

時間就到了

剪頭髮

我好鐘意你嫁!!

由清除訊息開始

做家姐的啟示

澄澄肚子痛

澄澄講野

探病記

坐校車

澄澄話

原來係咁

心理準備

新一天, 又是人生的新一頁

萬事起頭難

孩子的祈禱

我和迪迪尼有個約會

涼快夏日

天才測試

父親節快樂!

游泳班

自己吃飯

誠實最可愛

網頁推介

慢吞吞太曼之旅五

慢吞吞太曼之旅四

慢吞吞太曼之旅三

慢吞吞太曼之旅二

慢吞吞太曼之旅一

沒有忘記

這樣長大

一家人嘛!

我更新了

生有時, 死有時.

台灣遊記4

台灣遊記4

台灣遊記3

台灣遊記2

台灣遊記1

私人時間

變成怎樣

我愛朋友

親戚來港

忙中有序

怎過日子

觀禮事件

開卷有益

畫劃圖畫

牙牙學語

愛上泥膠

後會有期

面試戰衣

攪乜鬼呀

無線電話

傳說酒渦

生日派對

夏天還在

引頸以待

在職媽媽

銀行編號

轉換角色

最新髮型

這樣生活

早晨全餐