回家

今日我同媽咪一齊出院啦!!早上十一時左右,姨丈車婆婆同麻麻來醫院幫媽咪換衫,執拾.嘩!媽咪著到好似去左南極咁,好嚇人喔.不過,婆婆同麻麻都說,生完唔可以入風.唔係就手尾長囖.爸爸一放工,就急急腳來醫院找埋條數,就接我們回家.回到家,姨姨已經係到.間屋好乾淨呀!姨丈一路係咁幫我映相.記住映靚d呀!! 之後,大姑媽一放工,就來幫我洗白白.我知大姑媽係熟手技工,因為她係bb房到做呀嘛.但係第一次在屋企洗白白真係得人驚.攪到我係咁哭.天氣又凍,真係有苦自己知.