爬行比賽

話說大頭蝦的我時常錯過了讓澄澄參加爬行比賽, 好幾次報了名才知人地已經爬完,仲已經攞埋獎.真係"超低能,勁攪笑".今次我地終於等到啦...係荷x活參加爬行比賽,澄澄第一次參加咁有"規模"既比賽.當然有返咁上下既支持者啦...首先有..爺爺,麻麻,爺爺麻麻的朋友~鄺生,亞仔夫婦,甘師父.玲玲表姨,嬸嬸,叔叔,姑媽s,姑丈,姑婆s,丈公,表姨,舅父,表哥表妹仲有路過既姨姨.

好啦,澄澄一落到賽道,見到對岸有daddy係到,好想爬.但係人地都未開始.唔可以爬.就係咁樣,攪到澄澄以為唔爬得,人地開始,佢係咁望住個mc,我係到係咁叫佢,佢都聽唔到.人地爬完,佢隻腳仲係界外.就係咁澄澄就"爬"完呢次比賽.好野,澄澄總算參加過爬行比賽.雖然無爬過,但可以凝聚一家人一齊都好難得.

嘩鬼BB爬行比賽


晒冷

澄澄的第一步

孩子每天的成長,是父母共同的心願. 看見她由任人擺佈到今天四腳爬爬.心裡驚嘆這小子的作為,也讚嘆上主的偉大!!在她成長裡,看見她踏出了第一步,我們期望她努力再努力...踏出生命的啟基,開展那美妙人生...澄澄..努力呀!!

亞宏&carol結婚

是日去飲...daddy做兄弟,所以姑丈/姑姑特登車了我,亞妹同澄澄過海去飲..真係唔該晒.. 唔洗攪到咁呢hea...澄澄去到酒樓俾人包圍住,情況有d似,d fans攞簽名咁...同一時間,出面影相last call. 所以..zip一聲, d人走晒出去影相...我就拿拿聲餵奶..澄澄唔係好肯飲..

好啦到開席..全場lightoff,各人預備拍手,澄澄見我地係咁拍,佢當然唔執輸,係咁拍,仲以為的uncle & antie同佢玩tim. 所以佢好開心,就算我抱佢瞓緊時..一聽到拍手,就彈起,自己係到拍手同笑...好可愛!!

我地最後同主人家影了一副相,就走了, 因為我地沒有用自己的camera影相,所以..無相post!!

同場加映: 我的第一步
演員:9個月的澄澄
上映日期:不日上映 (主要係upload唔到條片)

故事背景: 話說一名好喜歡小動物的小b.有一次,在times square見到一頭太,未識行的她,為了親近它,景不知不覺中了圈套.....

海鮮餐

老爺今日請食飯,隨便坐..於是一大家人就入了流浮山食海鮮..路程十分之十分之遠..但都值.. 因為好好味喔..澄澄只有份睇無得食..因為我地決定1yrs ago 先俾海鮮佢食..所以,呢餐佢只係食魚同星星餅..

二姑丈爸爸媽媽&澄澄


二姑丈&澄澄


大姑媽&澄澄


大姑媽&大姑丈&澄澄

上山頂

今日我地一家人上山頂,daddy在山腳係咁兜圈,攪到澄澄瞓了兩轉.我地去到山頂..嘩..好多人!! 有中有西..有人有狗..於是, 我地就行山頂廣場同埋去playground玩...playground個到有好多大/小朋友, 走呀走..好不熱鬧..澄澄好少去playground玩,最叻都係麻麻帶佢打"千抽".於是daddy就同佢玩搖搖椅同"sir"滑梯...佢第一次"sir"滑梯,有d驚,係咁捉住個手柄,唔郁..有片睇!!



齊齊整整一家人



我覺得呢副影得好okay,你話係咪?

Blog 可以拉近distance...

估唔到最近多咗人看我個blog,有d fans咁啦...主因是亞媽放咗我上枱..唉..唔係,係應該講係放上facebook..所以,最近有不少親朋好友時常send message同我亞媽講:你亞女好得意..好掛住佢..有相睇未..同亞女有無慶祝9個月生日(下刪百字..)我真係覺得好多人關心我, 所以我會叫媽媽努力寫blog,拉近我同其他人的距離.

有時,無意間會聽到人講:你好幸福,有咁多人鍚.(是關差不多每星期都會收到禮物..好感動噢!!)但我媽媽話其實最好係有上主鍚.仲話在母腹中已經看顧我tim.是的!!

有link啦..得閒睇下啦,但要download好耐
http://www.studio123.hk/onlinealbum/2007-10-06/ching.html

係呀由下一篇開始我媽咪會用佢第一身寫blog,唔係佢係咁用我咁角度去寫,遲d會人格分裂.仲有呀,得閒留下言,等我開心下..hee hee

影靚相

大家都知我唔係好好喜歡影相,皆因我低調亞麻..但媽咪同daddy想我留倩影.所以我都好合作,儲足精神在下午六時去影樓啦...個日係熱d,攪到我未上去就出晒汗.仲要去到間影樓係到裝修.要拿拿聲去另外一到.終於六點半到影樓.我見到d佈景好開心, 好多佈景好得意.媽咪為我選了五個造型,有沙龍,廚師,nurse,麥當當,洗手間... 好啦,我開始就係影沙龍...原本好地地...點知我見影咁耐..我就不耐煩..係要媽咪抱..媽咪估我肚餓,daddy餵我食奶..但d攝影哥哥話,唔好俾我食晒,唔係會蛤眼瞓..下...影相唔俾有飽飯食..好衰呀..

所以我影美女廚師.都係麻麻地..不屑囉..叫我笑..我肚餓喎..於是,就第二個造型..nurse..好啦..一坐我就哭.. 似病人多d喎...媽咪同daddy都無晒符..仲同哥哥講想等下次再影..

係呢個時候,有位哥哥攞d星星餅俾我食..嘩!!星星餅.我未食過...媽咪擔心我唔識食..哈哈..我又點會唔識食呢..一有餅..什麼都得.. 洗手間定係三點式..ok...之後,仲做埋朗朗..攪點..跟住daddy堆單走人..十點十五分...足足4個鍾..下次..都係唔好啦..

遲d有link.再同大家分享..