Pure and Clear: 四個孩子的母親

因為疫情關係, 濤濤同妹妹在我家暫住數天, 所以造就了我成為4個孩子的母親的機會. 老實說, 我從未想過自己有多於兩位小朋友會是怎樣. 會不會是"多雙筷"那麼簡單呢? 會不會我變了老虎呢?

經過三天的相處, 我發現有4位孩子的家庭要注意以下數點:

1. 父母要搵到$

我倆個小朋友, 平時食量是正常. 對零食沒多大興趣. 反之, 經過3天的觀察, 有4位小朋友的時候, 食量會戲劇式上升, 因為一個小朋友要, 另一個又會唔執輸, 試下食. 食落又幾好味, 仲要多份. 就好似那10磈薯餅在冰箱裹住了三個星期多, 沒有人理會. 有一晚一個話想食, 即時KO. 做媽媽好喜歡見到食物TURNOVER夠快, 一來唔洗霸住個冰箱, 二來見有人食晒, 其實好開心. 因為這個原因, 我原本買了一星期的食物, 好快就要再買. 老實說, 少賺一分錢, 真係好難維持一個家. 因為真係食窮你!! 但喜歡買野的媽媽, 就會暗爽. 😆

2. 媽媽每事問

人多了, 只得一個洗手間. 時間管理變得非常重要. 每人去洗手間的次數及時間控制要拿捏得好. 例如, 有人在洗手間打機, 媽媽就要主動問"你去咁耐, 有沒有事, 係咪死咗?", 或者, 你見一個小朋友用3分鐘洗頭沖涼, 你就要問"你個頭....係咪未洗?" , 做媽媽要主動出撃, 如果唔係, 有好多手尾跟. 如果你是一個"問題"媽媽, 你可以生多幾個.

3. 工人姐姐的重要

如果你有4個或以上小朋友的家庭, 有姐姐是一個PACKAGE. 我勸你, 如果沒有工人姐姐, 你都別想生孩子. 工人姐姐基本上是幫你處理家頭細務外, 還要煮一日三餐. 真係做到連睇錶的時間都沒有. 你知啦, 小朋友食野, 掉落地唔小心就一定啦. 我見以往姐姐2日先拖地, 今日已經拖2次....我明點解姐姐們要揀工. 一樣人工, 做4個孩子的工, 真係.....辛苦既.

4. 媽媽/小朋友好輕鬆

本身我都係好輕鬆帶兩個, 原來4個仲可以輕鬆多點. 因為他們年紀差不多, 可以一齊玩, 一齊傾計, 一齊做功課, 我幫下你, 你教下我. 唔會因為功課唔識就叫亞媽. 小朋友自己都輕鬆咗, 因為人多了, 亞媽自然唔可能人釘人, 唔會叫你做咩做咩. 好啦, 要爭野啦, 都有其餘兄弟姐妹企係自己個邊, 好似好有理由. 又唔會因為一個唔玩自己無得玩. 因為仲有2個陪自己.